රජයේ ‘උරුමයට ජීවයක්’ වැඩසටහන යටතේ දිවයින පුරා පිහිටි පුරාවිද්යාත්මක ස්ථාන 1,000 ක් සංරක්ෂණය කිරීමට සැලසුම් කර ඇති බවත්, ඉන් ස්ථාන 100 ක කටයුතු මේ වසරේදී සිදුකරන බවත් බුද්ධශාසන, ආගමික හා සංස්කෘතික කටයුතු නියෝජ්ය අමාත්ය ගමගේදර දිසානායක මහතා පවසයි.
ඓතිහාසික හා සංස්කෘතික වටිනාකමකින් යුතු රිටිගල, මානෑව කන්ද, අරන්කැලේ සහ මාලිගාතැන්න යන බෞද්ධ භාවනාරාම හතර යුනෙස්කෝ ලෝක උරුම ලැයිස්තුවට ඇතුළත් කිරීමේ මූලික පියවර පුරාවිද්යා දෙපාර්තමේන්තුව විසින් මේ වන විට ආරම්භ කර ඇත. දැනටමත් මෙම ස්ථාන තාවකාලික ලැයිස්තුවට (Tentative List) ඇතුළත් කර ඇති අතර, 2028/2029 වසර වන විට නිල වශයෙන් ලෝක උරුම ලෙස ප්රකාශයට පත්කිරීමට අපේක්ෂිතය. මීට අදාළ මූලික ඇගයීම් වාර්තාව සැප්තැම්බර් මාසයේදී භාරදීමට නියමිත අතර, සම්බන්ධීකරණ කටයුතු ආචාර්ය ගාමිණී විජේසූරිය මහතා ප්රමුඛ කණ්ඩායම මෙහෙයවනු ලබයි.
දැනට ශ්රී ලංකාවේ ස්ථාන 8 ක් (සංස්කෘතික උරුම 6 ක් සහ ස්වාභාවික උරුම 2 ක්) යුනෙස්කෝ ලෝක උරුම ලැයිස්තුවට ඇතුළත්ව ඇත.
