ශ්රී ලංකා සිවිල් සේවා නිලධාරීන් 40 දෙනෙකු වෙනුවෙන් ‘ආපදා කළමනාකරණය’ තේමාව කරගනිමින් ඉන්දියාවේ ජාතික යහපාලන මධ්යස්ථානයේ (NCGG) පැවැත්වුණු 11 වැනි ධාරිතා සංවර්ධන වැඩසටහන ඊයේ (10) සාර්ථකව නිමාවට පත්විය. වසර 5ක් ඇතුළත ශ්රී ලාංකික සිවිල් සේවකයන් 1,500 දෙනෙකු පුහුණු කිරීමේ අරමුණින් 2024 වසරේදී අත්සන් කරන ලද ද්විපාර්ශ්වික අවබෝධතා ගිවිසුම (MoU) යටතේ ක්රියාත්මක මෙම වැඩසටහන මඟින් මෙතෙක් පුහුණුව ලැබූ සමස්ත නිලධාරීන් සංඛ්යාව 440 දක්වා ඉහළ යයි. දිට්වා සුළි කුණාටුවෙන් පසු රට යථා තත්ත්වයට පත් කිරීමේ ප්රයත්නයන් වෙනුවෙන් නවීන අර්බුද කළමනාකරණ සහ ඩිජිටල් පොදු යටිතල පහසුකම් (DPI) පිළිබඳ දැනුම මෙහිදී නිලධාරීන්ට ලබා දී ඇත. ඉන්දීය මහ කොමසාරිස් කාර්යාලය පවසන්නේ අග්රාමාත්ය නරේන්ද්ර මෝදි මහතාගේ 2025 අප්රේල් ලංකා සංචාරයේ එකඟතා අනුව, ඉදිරියේදී වාර්ෂිකව ශ්රී ලාංකිකයන් 1,000 දෙනෙකුට ඉන්දියාවේදී මෙම පුහුණු ප්රතිලාභ හිමිවන බවයි.
