කැලණිය විශ්වවිද්යාලයේ ජනසන්නිවේදන අංශයේ සිසුන් 160 දෙනෙකුට ක්රීඩා මාධ්යවේදය සහ ජාත්යන්තර මාධ්ය මෙහෙයුම් පිළිබඳ ප්රායෝගික අත්දැකීම් ලබා දීමේ අරමුණින් ශ්රී ලංකා ක්රිකට් ආයතනය (SLC) විසින් අධ්යාපනික ක්ෂේත්ර චාරිකාවක් සංවිධානය කර තිබේ. ශ්රී ලංකා සහ ඉන්දියා යොවුන් (Under-19) දෙවන සිව්දින තරඟය අතරතුර කොළඹ ආර්. ප්රේමදාස ජාත්යන්තර ක්රිකට් ක්රීඩාංගණයේදී (RPICS) මෙම වැඩසටහන ක්රියාත්මක විය.
මෙහිදී සිසුන් ක්රිකට් වාර්තාකරණය, ක්රීඩා ඡායාරූපකරණය සහ ජාත්යන්තර මාධ්ය මෙහෙයුම් කළමනාකරණය පිළිබඳ ක්ෂේත්ර අධ්යයනයක නිරත වූ අතර, මාධ්ය කුටි ක්රියාපටිපාටි සහ සජීවී ක්රීඩා වාර්තාකරණය පිළිබඳ ප්රායෝගික දැනුමක් ලබා ගත්තේය. ශ්රී ලංකා ක්රිකට් මාධ්ය ඒකකය විසින් ‘ක්රීඩා මාධ්යවේදයේ වෘත්තීය භාවිතයන්’ පිළිබඳ ඉදිරිපත් කිරීමක්ද පවත්වන ලද අතර, ආයතනික සමාජ වගකීම් (CSR) වැඩසටහනක් ලෙස අනාගත පරපුර සවිබල ගැන්වීම සහ පන්ති කාමරයේ උගත්කම සැබෑ ලෝකයේ භාවිතාව සමඟ සම්බන්ධ කිරීම අරමුණු කරගනිමින් මෙය ක්රියාත්මක කර ඇත.
