උස්බෙකිස්ථානයේ ටෂ්කන්ට් (Tashkent) නුවරදී පැවැත්වෙන මධ්යම සහ දකුණු ආසියානු පිරිමි රග්බි 7 (Central and South Asia Men’s Rugby Sevens) තරගාවලියේදී සත්කාරක උස්බෙකිස්ථාන කණ්ඩායම ලකුණු 29 ට 07 ක් ලෙස පහසුවෙන් පරාජය කරමින් තවත් විශිෂ්ට ජයග්රහණයක් වාර්තා කිරීමට ශ්රී ලංකා කණ්ඩායම සමත්ව තිබේ.තරගය ආරම්භයේ සිටම සත්කාරක ක්රීඩකයින්ගෙන් එල්ල වූ අභියෝගයන් සාර්ථකව මර්දනය කළ ශ්රී ලංකා සිංහයෝ, වේගවත් හා උපක්රමශීලී ක්රීඩා විලාශයක් දියත් කරමින් උත්සාහක දිනුම් රැසක් වාර්තා කිරීමට සමත් වූහ. තරගය පුරා කැපී පෙනෙන අතිදක්ෂතා දැක්වූ ශ්රී ලංකා පිල හමුවේ දැඩි පීඩනයකට ලක්වූ උස්බෙකිස්ථාන කණ්ඩායමට මුළු තරගය තුළදීම රැස් කරගත හැකි වූයේ ලකුණු 07 ක් පමණි. මෙම ජයග්රහණයත් සමඟ ශ්රී ලංකාව තරගාවලියේ පෙරමුණ තවදුරටත් තහවුරු කරගෙන ඇත.
