‘දිට්වා’ (Ditwah) සුළි කුණාටුවට මුහුණ දීමේදී පැවති අසූදානම පිළිබඳ පුළුල් අධ්යයනයක් සිදු කිරීම සඳහා පත් කරන ලද විශේෂ පාර්ලිමේන්තු කාරක සභාවට සිය නිර්දේශ සහ යෝජනා ඉදිරිපත් කිරීම සඳහා ලබා දී තිබූ කාලසීමාව සැප්තැම්බර් 19 වැනිදා දක්වා පාර්ලිමේන්තුව විසින් ඊයේ (11) දීර්ඝ කරන ලදී.
මුල් නියෝගයට අනුව, කාරක සභාව සිය පළමු රැස්වීමෙන් මාස තුනක් ඇතුළත වාර්තාව ඉදිරිපත් කිරීමට නියමිතව තිබූ අතර, ඒ අනුව ජුනි 19 වැනිදා වන විට එය ඉදිරිපත් කිරීමට නියමිතව තිබුණි. කෙසේ වෙතත්, පාර්ලිමේන්තුවේ අනුමැතිය ඇතිව මෙම කාලසීමාව සැප්තැම්බර් දක්වා දීර්ඝ කර ඇත.
පසුගිය වසරේ (2025) ශ්රී ලංකා ඉතිහාසයේ සිදු වූ දරුණුතම ඛේදවාචකයක් ලෙස සැලකෙන ‘දිට්වා’ සුළි කුණාටුවෙන් සිදුවූ ජීවිත හානි සහ දේපළ හානි තවමත් නිසි ලෙස තක්සේරු කර නොමැති බව විපක්ෂ මන්ත්රීවරුන් පෙන්වා දෙති. ඒ අනුව, මෙම කුණාටුවට මුහුණ දීමේදී පැවති සූදානම සහ ඒ ආශ්රිත සිදුවීම් පිළිබඳව විමර්ශනය කිරීම මෙම විශේෂ කාරක සභාවට පැවරී ඇති ප්රධාන වගකීමකි.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා මෙම කාරක සභාවේ සභාපතිවරයා ලෙස කටයුතු කරයි. පාර්ලිමේන්තු ස්ථාවර නියෝග 101 හි විධිවිධානවලට අනුව කථානායකවරයා විසින් මෙම කාරක සභාවේ සාමාජිකයන් පත් කර තිබේ.
