මෙරට මැතිවරණ පද්ධතිය වඩාත් කාර්යක්ෂම, විනිවිදභාවයෙන් යුතු සහ ජනතා අපේක්ෂාවන්ට ගැළපෙන පරිදි ව්යුහාත්මක පරිවර්තනයකට ලක් කිරීමේ අරමුණින්, ඒ සඳහා පත් කරන ලද විශේෂඥ මණ්ඩලයේ ඉදිරි කටයුතු පිළිබඳ විශේෂ සාකච්ඡාවක් පාර්ලිමේන්තුවේදී පවත්වන ලදී. රාජ්ය පරිපාලන, පළාත් සභා සහ පළාත් පාලන අමාත්ය මහාචාර්ය ඒ.එච්.එම්.එච්. අබයරත්න මහතාගේ ප්රධානත්වයෙන් මෙම විශේෂ කාරක සභාව රැස් වූ අතර, පළාත් සභා හැර සෙසු මැතිවරණ ක්රමවේදයන් හා නීති රීති කාලීන අවශ්යතාවන්ට අනුකූලව සංශෝධනය කිරීම මෙහි මූලික අපේක්ෂාව වී තිබේ.
මෙම සමාලෝචන ක්රියාවලිය යටතේ, මැතිවරණ ප්රතිසංස්කරණ සම්බන්ධයෙන් මහජනතාව සහ විවිධ සංවිධාන විසින් ඉදිරිපත් කර ඇති යෝජනා 31ක් ගැඹුරින් අධ්යයනය කිරීමට නියමිතය. මීට අමතරව, විශ්වවිද්යාල ප්රජාව සහ පර්යේෂණ ආයතන විසින් මෙතෙක් සිදු කර ඇති අධ්යයන ද මෙහිදී උපරිමයෙන් සැලකිල්ලට ගන්නා අතර, පවතින ක්රමයේ පවතින දුර්වලතා හඳුනා ගනිමින් වඩාත් සාධනීය සහ නූතන ලෝකයට ගැළපෙන නව මැතිවරණ සංස්කෘතියක් රට තුළ බිහි කිරීම සඳහා අවශ්ය ප්රතිපත්තිමය නිර්දේශ සැකසීම මේ යටතේ සිදු කෙේ.
මෙම සමස්ත ක්රියාවලිය සඳහා මාස දෙකක කාලයක් ලබා දී ඇති අතර, අදාළ කාරක සභාවේ අවසන් අරමුණ වන්නේ හුදෙක් පවතින නීතිවලට සුළු සංශෝධන එක් කිරීම පමණක් නොව, වර්තමාන ප්රජාතන්ත්රවාදී අවශ්යතා පූර්ර්ණ ලෙස තෘප්තිමත් කරන කාර්යක්ෂම මැතිවරණ පද්ධතියක් සඳහා අවශ්ය නීතිමය සහ ප්රතිපත්තිමය වාර්තාව පාර්ලිමේන්තුවට ඉදිරිපත් කිරීමයි.
