විධිමත් සහ විනිවිදභාවයකින් යුත් ප්රසම්පාදන ක්රියාවලියක් මෙන්ම හොඳින් ව්යුහගත කරන ලද බලශක්ති ගබඩා ගිවිසුම් (Energy Storage Agreements) ක්රියාත්මක කිරීම හරහා ඉදිරියේදී මෙරට පොදු විදුලි බල ගාස්තු සැලකිය යුතු මට්ටමකින් පහළ දැමීමේ පූර්ණ හැකියාව පවතින බව අග්රාමාත්ය හරිනි අමරසූරිය මෙනෙවිය ප්රකාශ කළාය. “විධිමත් බලශක්ති ගබඩා ගිවිසුම් ක්රියාත්මක කිරීමෙන් විදුලිබල ගාස්තු පහළ දැමීමේ හැකියාව පවතිනවා” යැයි ඇය අවධාරණය කළාය.
මෙම නවීන තාක්ෂණික පද්ධති හරහා සූර්ය හා සුළං බලය ජාතික පද්ධතියට එක් කිරීමේදී පිරිවැය මැනවින් කළමනාකරණය කර පාරිභෝගිකයාට සෘජු සහනයක් ලබා දීමට රජය සූදානම් වෙයි. මීට පෙර අධික පිරිවැයක් සහ පාඩුවක් දරමින් පෞද්ගලික අංශයෙන් සිදුකළ හදිසි විදුලි මිලදී ගැනීම් අවම කරගැනීමට හැකිවීම හරහා ඉතිරි වන මුදල විදුලි බිල අඩු කිරීම සඳහා සෘජුවම දායක කරගත හැකි බව ආර්ථික සහ බලශක්ති විශේෂඥයෝ ද පෙන්වා දෙති.
මෙම සමස්ත බලශක්ති ප්රතිසංස්කරණ ක්රියාවලිය සහ තාක්ෂණික නවීකරණය, වත්මන් රජයේ ප්රතිපත්ති ප්රකාශය මඟින් ජනතාව වෙත ලබා දුන් ප්රධාන සහ තීරණාත්මක පොරොන්දු ප්රායෝගිකව ඉටු කිරීමක් බව ද මෙහිදී විශේෂයෙන්ම සිහිපත් කෙරිණි.
