ශ්රී ලංකාවේ මැණික් සහ අපනයන වෙළෙඳපොළ ඉන්දියාව තුළ පුළුල් කිරීමේ අරමුණින් අපනයන සංවර්ධන මණ්ඩලයේ සභාපති මංගල විජේසිංහ සහ ජාතික මැණික් හා ස්වර්ණාභරණ අධිකාරියේ සභාපති එස්.පී. චමින්ද යන මහත්වරුන්ගේ ප්රධානත්වයෙන් ඉහළ පෙළේ ශ්රී ලාංකික දූත පිරිසක් මුම්බායි නුවර නිල සංචාරයක නිරත වී ඇත.
මුම්බායිහි ශ්රී ලංකා කොන්සල් ජනරාල් කාර්යාලය සහ අපනයන සංවර්ධන මණ්ඩලය ඒකාබද්ධව සංවිධානය කරන ලද මෙම සංචාරයේදී, ඉන්දියානු ජාත්යන්තර ස්වර්ණාභරණ ප්රදර්ශනය (IIJS) වෙත එක්වෙමින් ශ්රී ලංකාවේ සදාචාරාත්මක මූලාශ්රවලින් ලබාගන්නා උසස් තත්ත්වයේ නිල් මැණික් සඳහා ඉන්දීය ගැනුම්කරුවන් සමඟ සාකච්ඡා පවත්වා තිබේ.
මීට අමතරව, එළඹෙන 2027 ජනවාරි මාසයේ කොළඹදී පැවැත්වෙන ‘ශ්රී ලංකා එක්ස්පෝ 2027’ ප්රදර්ශනය සඳහා සහභාගී වන ලෙස ඉන්දීය වාණිජ මණ්ඩල සහ කර්මාන්ත ආයතන වෙත ආරාධනා කර ඇති අතර, දෙරට අතර ද්විපාර්ශ්වික වාණිජ සබඳතා සහ ආර්ථික හවුල්කාරීත්වය තවදුරටත් ශක්තිමත් කිරීමට මෙමඟින් අපේක්ෂා කෙරේ.
