ලබන අගෝස්තු මාසය දක්වා ප්රමාණවත් ඉන්ධන තොග මේ වන විට රට තුළ පවතින බවත්, වසරේ ඉදිරි මාස සඳහා අවශ්ය ඉන්ධන ප්රමාණය ද දැනටමත් ඇණවුම් කර ඇති බවත් අග්රාමාත්ය කාර්යාලය නිවේදනය කරයි. අග්රාමාත්ය ආචාර්ය හරිනි අමරසූරිය මහත්මියගේ ප්රධානත්වයෙන් අද (15) පැවැති රාජ්ය සේවය ක්රමවත්ව පවත්වාගෙන යාම පිළිබඳ කමිටු රැස්වීමේදී මේ බව අනාවරණය විය.
දැනට ක්රියාත්මක ඔත්තේ සහ ඉරට්ටේ ක්රමය ඉවත් කර QR කේතය යටතේ ඉන්ධන ලබාදීම සහ ඉන්ධන කෝටාව වැඩි කිරීම පිළිබඳව මෙහිදී අවධානය යොමු වී ඇත. එසේම ඉන්ධන සහන ලබාදිය හැකි අවස්ථා පිළිබඳව ද සාකච්ඡා කර තිබේ. විදුලි පරිභෝජනය කළමනාකරණය කිරීම සඳහා ‘Clean Sri Lanka’ වැඩසටහන යටතේ පාසල් දරුවන් දැනුවත් කිරීමටත්, විදුලිය ඉතිරි කරන නිවෙස්වල දරුවන් ඇගයීමටත් පියවර ගැනේ. ඉදිරි ඉදිකිරීම් සඳහා ‘Green Building’ සංකල්පය හඳුන්වා දීමට ද තීරණය කර ඇත.
රජය බලශක්ති අර්බුදය නිසි ලෙස කළමනාකරණය කර ඇති බැවින් වෙනත් රටවල මෙන් ඉන්ධන පෝළීම් හෝ විදුලි කප්පාදු මෙරට සිදු නොවන බව අග්රාමාත්යවරිය අවධාරණය කළාය. කෙසේ වෙතත් අර්බුදය තවමත් අවසන් වී නොමැති බැවින් ජනතාව බලශක්ති කළමනාකරණය කෙරෙහි අවධානය යොමු කළ යුතු බව ඇය පෙන්වා දුන්නාය. එළඹෙන වෙසක් සතිය තුළ ජනතාවට බාධාවකින් තොරව අවශ්ය පරිදි විදුලිය ලබා දීමට කටයුතු කරන ලෙස ද අග්රාමාත්යවරිය මෙහිදී උපදෙස් ලබා දී තිබේ.
