රට තුළ කිසිදු ඉන්ධන හිඟයක් නොමැති බවත්, එළඹෙන ජූනි මස මුල් සතිය දක්වා ප්රමාණවත් ඉන්ධන සංචිත පවතින බවත් ලංකා ඛනිජ තෙල් නීතිගත සංස්ථාව පවසයි. ඊයේ (08) දිනයේදී ඩීසල් රැගත් තෙවන නෞකාව ද මෙරටට පැමිණ ඇති අතර, ඉදිරියටත් අඛණ්ඩව ඉන්ධන නෞකා ගෙන්වා ගැනීම සඳහා විදෙස් රාජ්යයන් රැසක් සමඟ සාකච්ඡා ආරම්භ කර ඇති බව ඛනිජ තෙල් නීතිගත සංස්ථාවේ කළමනාකාර අධ්යක්ෂ ආචාර්ය මයුර නෙත්තිකුමාර මහතා ප්රකාශ කර තිබේ.
උත්සව සමය තුළ ඉන්ධන හිඟයක් ඇතිවන බවට පැතිර යන කටකතා අසත්ය බව පෙන්වා දෙන සංස්ථාව, ජනතාවට අනවශ්ය බියක් ඇති කර නොගන්නා ලෙස දන්වා සිටියි. දැනට පවතින සංචිත මඟින් එදිනෙදා අවශ්යතා මෙන්ම කර්මාන්ත ශාලා සහ විදුලි උත්පාදන කටයුතු සඳහා ද බාධාවකින් තොරව ඉන්ධන සැපයිය හැකි බව කළමනාකාර අධ්යක්ෂවරයා වැඩිදුරටත් සහතික කර ඇත.
