ඊයේ (20) දිනය ඇතුළු පසුගිය දින කිහිපය පුරාම අඛණ්ඩව පහළ යමින් තිබූ මෙරට රන් මිල අද (21) දිනයේදී සලකා බැලිය යුතු මට්ටමකින් යළිත් ඉහළ ගොස් තිබේ. රන් වෙළඳපොළ ආරංචි මාර්ගවලට අනුව අද දිනයේදී රන් අවුන්සයක මිල සටහන් වූයේ රුපියල් 1,385,600ක් වශයෙනි.
මීට අමතරව දේශීය රන් වෙළඳපොළ තුළ බහුලව භාවිත වන කැරට් 22 රන් පවුමක මිල අද දිනයේදී රුපියල් 358,500ක් දක්වා ඉහළ ගොස් ඇත. එසේම කැරට් 24 රන් ග්රෑම් 1ක මිල අද දවසේ සටහන් වූයේ රුපියල් 48,880ක් ලෙසය. පසුගිය දිනවල මිල පහත වැටී තිබූ අවස්ථාවේදී රන් භාණ්ඩ මිලදී ගැනීමට නොහැකි වූ පාරිභෝගිකයන්ට මෙම හදිසි මිල ඉහළ යෑම අවාසිදායක තත්ත්වයක් මතු කර තිබේ.
