විකල්ප ප්රතිපත්ති කේන්ද්රය (CPA) විසින් සිදුකරන ලද නවතම සමීක්ෂණයකට අනුව, ජනාධිපති අනුර කුමාර දිසානායක මහතා කෙරෙහි පවතින මහජන තෘප්තිමත්භාවය 75.5%ක් වැනි ඉහළ මට්ටමකට ළඟා වී තිබේ.
මෙම අධ්යයනය මගින් ජාතික ජන බලවේගය රජය විසින් රට තුළ කාර්යක්ෂම පාලනයක් පවත්වාගෙන යාමට දක්වන හැකියාව පිළිබඳවද මහජනතාවගේ ආකල්ප විමසා ඇත. ඒ අනුව ශ්රී ලාංකිකයන්ගෙන් බහුතරයක් වන 62.8%ක ප්රතිශතයක් වත්මන් රජයේ කාර්යක්ෂම පාලනය පිළිබඳව ධනාත්මක මතයක් දරන බව එම සමීක්ෂණ වාර්තාව වැඩිදුරටත් අනාවරණය කරයි.
