විෂ මත්ද්රව්ය මෙරටින් මුලිනුපුටා දැමීම සඳහා ජනාධිපති අනුර කුමාර දිසානායක මහතා ප්රමුඛ රජය විසින් ක්රියාත්මක කරන “රටම එකට” ජාතික මෙහෙයුම යටතේ ඊයේ (02) දිනය තුළ පමණක් සැකකරුවන් 1253ක් අත්අඩංගුවට ගෙන තිබේ. පොලිස් මාධ්ය කොට්ඨාසය සඳහන් කළේ දිවයින පුරා සිදුකළ දැවැන්ත වැටලීම් මාලාවකදී මත්ද්රව්ය ජාවාරම් සහ පරිභෝජනය යන වැරදිවලට සම්බන්ධ මෙම පිරිස කොටු කරගත් බවයි. නව රජයේ මත්ද්රව්ය මර්දන වැඩපිළිවෙළ යටතේ පොලීසිය සහ ආරක්ෂක අංශ ඒකාබද්ධව මෙම විශේෂ මෙහෙයුම් අඛණ්ඩව දියත් කරනු ලබයි.
මෙම මෙහෙයුමේදී හෙරොයින්, අයිස් (Ice), ගංජා සහ නීතිවිරෝධී පෙති වර්ග ඇතුළු විශාල මත්ද්රව්ය තොගයක් ද ආරක්ෂක අංශ භාරයට ගෙන ඇති අතර, අත්අඩංගුවට ගත් සැකකරුවන් සම්බන්ධයෙන් ඉදිරි නීතිමය ක්රියාමාර්ග ගැනීමට නියමිතය. මත්ද්රව්ය ජාලයන් මෙහෙයවන ප්රධාන ජාවාරම්කරුවන් ඉලක්ක කර ගනිමින් බුද්ධි තොරතුරු මත පදනම්ව මෙම වැටලීම් තවදුරටත් දැඩි කරන ලෙස ජනාධිපතිවරයා විසින් ආරක්ෂක අංශ වෙත උපදෙස් ලබාදී තිබේ.
