විද්යා හා තාක්ෂණ අමාත්ය ක්රිෂාන්ත අබේසේන මහතාගේ ප්රධානත්වයෙන් ජාතික නවෝත්පාදන නියෝජිතායතනයේ (NIA) 2025 සහ 2026 වසර සඳහා වන ජාතික නවෝත්පාදන වාර්තා කොළඹදී එළිදක්වන ලදී. රට පුරා සාර්ථකව වාණිජකරණයට ලක් කළ හෝ ක්රියාවට නංවන ලද නවෝත්පාදන උදාහරණ 70කට අධික සංඛ්යාවක් ලේඛනගත කරමින් මෙම වාර්තා එළිදැක්වීම සිදු කර ඇත.
විද්යා හා තාක්ෂණ අමාත්යාංශය යටතේ ක්රියාත්මක වන මෙම නියෝජිතායතනය, රටේ නවෝත්පාදන ක්ෂේත්රයේ තත්ත්වය, ප්රගතිය සහ ජාතික සංවර්ධනයට ලබා දෙන දායකත්වය පිළිබඳ ජාතික දැක්මක් ලබා දීමේ අරමුණින් මෙම වාර්තා වාර්ෂිකව ප්රකාශයට පත් කරයි. මෙම වාර්තා හරහා හුදු අදහස් හා නිර්මාණවලින් ඔබ්බට ගොස් ආදායම් උපයන සහ ආර්ථික මෙන්ම සමාජීය වටිනාකම් නිර්මාණය කරන නිෂ්පාදන, සේවා, තාක්ෂණයන් සහ ව්යාපාර බවට පත්වූ නවෝත්පාදන අනාවරණය කෙරේ.
මෙහිදී ජාතික නවෝත්පාදන නියෝජිතායතනයේ නවෝත්පාදන වවුচার වැඩසටහන යටතේ පළමු වරට පිරිනැමෙන සම්මාන ප්රදානය ද සිදු කෙරුණු අතර, පුද්ගලයන් සහ කණ්ඩායම් ඇතුළු සාර්ථක අයැදුම්කරුවන් 11 දෙනෙකු සඳහා මූල්ය ප්රදාන ලබා දෙන ලදී. විද්යා හා තාක්ෂණ අමාත්යාංශයේ වැඩබලන ලේකම් මහේෂ් ගම්මන්පිල, පරිසර අමාත්යාංශයේ ලේකම් රෝහිත උඩුවාවල, ජාතික නවෝත්පාදන නියෝජිතායතනයේ ප්රධාන නවෝත්පාදන නිලධාරී මුදිත සෙනරත් යාපා ඇතුළු අමාත්යාංශ සහ නියෝජිතායතන නිලධාරීහු මෙන්ම ආරාධිතයෝ පිරිසක් මෙම අවස්ථාවට එක්ව සිටියහ.
