මාර්ග නීති උල්ලංඝනය කිරීම් සඳහා වන දඩ මුදල් ඔන්ලයින් ක්රමය ඔස්සේ ගෙවීමේ මුවාවෙන් ක්රියාත්මක වන ව්යාජ මාර්ගගත ජාවාරම් සහ ඩිජිටල් මංකොල්ලයන් හමුවේ මහජනතාව දැඩි අවධානයෙන් පසුවිය යුතු කාලයක් එළඹ තිබේ. ශ්රී ලංකා පොලීසිය විසින් කිසිදු අවස්ථාවක රථවාහන දඩ මුදල් ගෙවීම සඳහා වෙනම වෙබ් අඩවි හෝ ඩිජිටල් යෙදවුම් හඳුන්වා දී නොමැති පසුබිමක, මෙම සංවිධානාත්මක වංචනිකයන් සමාජය නොමඟ යවමින් සිටීම ජාතික ආරක්ෂාවට මෙන්ම පුරවැසියන්ගේ මූල්ය ස්ථාවරත්වයටද එල්ල වී ඇති බරපතල තර්ජනයකි.
මෙම අන්තර්ජාල ජාවාරම්කරුවන් විසින් පොලිස් නිලධාරීන්ගේ නම් සහ අදාළ ආයතනික තොරතුරු අවභාවිත කරමින්, ව්යාජ දුරකථන අංක හා ප්රවේශයන් හරහා මහජනතාව මුලා කිරීමට කටයුතු කරමින් සිටියි. විශේෂයෙන්ම ඩිජිටල් තාක්ෂණය පිළිබඳ ප්රමාණවත් දැනුවත්භාවයක් නොමැති පාර්ශවයන් මෙම උගුල්වලට හසුවී සිය බැංකු ගිණුම් තොරතුරු පවා පාලනය කරගැනීමේ හැකියාව අහිමි කරගනිමින් සිටිනු දැකගත හැකිය. මේ හරහා පෞද්ගලික දත්ත අනවසරයෙන් ලබාගැනීම පමණක් නොව, පුරවැසියන්ගේ පුද්ගලික මූල්ය වත්කම් සූරාකෑමේ ක්රමෝපායික ප්රහාරයක් ලෙසද මෙය සටහන් වේ.
එබැවින්, රථවාහන දඩ මුදල් ගෙවිය යුත්තේ නිල පොලිස් මූලස්ථාන හෝ අනුමත නිල ක්රමවේද හරහා පමණක් බව රථවාහන පාලන හා මාර්ග ආරක්ෂාව භාර නියෝජ්ය පොලිස්පති ඩබ්ලිව්.පී.ජේ. සේනාධීර මහතා අවධාරණය කරයි. කිසියම් පාර්ශවයක් මෙවැනි ව්යාජ පණිවුඩ ලැබී ඇත්නම් වහාම ඒ පිළිබඳව නීතිමය ක්රියාමාර්ග ගැනීමට කටයුතු කරන ලෙසත්, ඩිජිටල් අවකාශයේදී අතිශයින් කල්පනාකාරී වන ලෙසත් ජාතිය උදෙසා දැඩි පණිවුඩයක් ලබා දී ඇත.
