මහා මාර්ගයේ අපරීක්ෂාකාරී සහ අන්තරාදායක ලෙස රිය පදවන පුද්ගලයන් පිළිබඳ වීඩියෝ දර්ශන පොලිසිය වෙත යොමු කිරීම සඳහා නව WhatsApp අංකයක් හඳුන්වා දීමට පොලිස් මූලස්ථානය පියවර ගෙන තිබේ. මහජනතාව සතු සමාජ මාධ්ය භාවිත කිරීමේ ප්රවණතාව උපයෝගී කර ගනිමින් මාර්ග අනතුරු අවම කිරීම මෙම වැඩපිළිවෙළේ ප්රධාන අරමුණයි.
ඒ අනුව 070 4755600 යන WhatsApp අංකය හරහා මහජනතාවට අදාළ වීඩියෝ දර්ශන යොමු කළ හැකිය. මෙම සේවාව රථ වාහන පාලන හා මාර්ග ආරක්ෂාව භාර නියෝජ්ය පොලිස්පතිවරයාගේ සෘජු අධීක්ෂණය යටතේ පැය 24 පුරාම ක්රියාත්මක වේ. අධික වේගයෙන් රිය ධාවනය, අනාරක්ෂිත ලෙස ඉස්සර කිරීම, තනි රෝදයෙන් මෝටර් සයිකල් පැදවීම සහ අනාරක්ෂිත ලෙස දුම්රිය මාර්ගවලට පිවිසීම වැනි වැරදි සම්බන්ධයෙන් මෙලෙස තොරතුරු ලබා දිය හැකිය.
වීඩියෝවක් යොමු කිරීමේදී එය සිදු වූ දිනය, වේලාව, ස්ථානය සහ අදාළ පොලිස් වසම ද සඳහන් කරන ලෙස පොලිසිය මහජනතාවගෙන් ඉල්ලා සිටී. එසේම, කෘත්රීම බුද්ධිය (AI) භාවිතයෙන් සකස් කළ ව්යාජ වීඩියෝ දර්ශන යොමු කිරීමෙන් වළකින ලෙසත්, මාර්ග විනය රැක ගැනීම සඳහා ක්රියාත්මක මෙම වැඩපිළිවෙළට සක්රීයව දායක වන ලෙසත් පොලිස් මූලස්ථානය වැඩිදුරටත් දන්වා සිටියි.
