ශ්රී ලංකා මහ බැංකුව නිකුත් කර ඇති නවතම වාර්තාවකට අනුව, 2026 වර්ෂයේ ජනවාරි සහ පෙබරවාරි යන මුල් මාස දෙක තුළ අර්තාපල් මෙට්රික් ටොන් 32,578ක් මෙරටට ආනයනය කර ඇත. පසුගිය වසරේ (2025) අදාළ කාලසීමාවට සාපේක්ෂව මෙවර අර්තාපල් ආනයනය යම් ප්රමාණයකින් පහත වැටී ඇති බව එම වාර්තා පෙන්වා දෙයි.2026 වසරේ මුල් මාස දෙකේ ආනයනය මෙට්රික් ටොන් 32,578ක් වන අතර, එය 2025 වසරේ එම කාලසීමාවේ ආනයනය කළ මෙට්රික් ටොන් 33,403ට වඩා මෙට්රික් ටොන් 825ක අඩුවීමකි. වසර කිහිපයක වාර්ෂික ආනයන දත්ත සලකා බැලීමේදී, 2024 වසරේදී අර්තාපල් මෙට්රික් ටොන් 180,121ක් ද, 2025 වසරේදී මෙට්රික් ටොන් 186,145ක් ද මෙරටට ආනයනය කර තිබේ. දේශීය නිෂ්පාදනය පිළිබඳව අවධානය යොමු කිරීමේදී, 2025 යල කන්නයේදී මෙරට අල ගොවීන් විසින් අර්තාපල් මෙට්රික් ටොන් 14,360ක් නිෂ්පාදනය කර ඇත. වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්යාංශය පවසන පරිදි, දේශීය අර්තාපල් කිලෝවක් රුපියල් 220 බැගින් ගොවීන්ගෙන් මිලදී ගැනීම මේ වන විට ආරම්භ කර තිබේ.
