ලංකා විදුලිබල මණ්ඩලය අහෝසි කරමින් ඒ වෙනුවට ස්ථාපිත කරන ලද නව සමාගම් ඔස්සේ විදුලිබල ක්ෂේත්රයේ කාර්යක්ෂමතාව ඉහළ නංවමින් උපරිම විනිවිදභාවයක් ඇති කිරීමට හැකි වන බව විදුලිබල ක්ෂේත්ර ප්රතිසංස්කරණ ලේකම් කාර්යාලයේ අධ්යක්ෂ ජෙනරාල් පුබුදු නිරෝෂන් හැඩිගල්ල මහතා ප්රකාශ කර තිබෙනවා.
“ශ්රී ලංකාවේ විදුලි බල අංශයේ ප්රතිසංස්කරණ සඳහා ප්රායෝගික ප්රවේශය සහ ඉදිරිගමන” යන මැයෙන් බලශක්ති කමිටුව විසින් සංවිධානය කරන ලද විශේෂ වැඩමුළුවකදී ඒ මහතා මෙම අදහස් දක්වා සිටියා.
මෙහිදී වැඩිදුරටත් අදහස් දැක්වූ අධ්යක්ෂ ජෙනරාල්වරයා කියා සිටියේ, මෑතකදී සිදු වූ විදුලි ගාස්තු ඉහළ නැංවීම සිදු කෙරුණේ විදුලිබල මණ්ඩලය අහෝසි වීමට ප්රථමයෙන් ඉදිරිපත් කර තිබූ යෝජනා පිළිබඳව දීර්ඝ ලෙස සලකා බැලීමෙන් අනතුරුව බවයි. මෙම නව ප්රතිසංස්කරණ ක්රියාවලිය හරහා ඉදිරියේදී පාරිභෝගික ජනතාවට මෙන්ම සමස්ත බලශක්ති ක්ෂේත්රයටම වඩාත් හිතකර සහ කාර්යක්ෂම සේවාවක් සැපයීමට බලාපොරොත්තු වන බව වාර්තා වෙනවා.
