යෝජිත ජලභීතිකා මර්දන සහ බල්ලන් ලියාපදිංචි කිරීමේ පනත් කෙටුම්පත හරහා ශ්රී ලංකාවේ බල්ලා එන්නත්කරණ වැඩසටහනට බාධා මතුවී මනුෂ්ය ජලභීතිකා අවදානම ඉහළ යා හැකි බව ශ්රී ලංකා මහජන සෞඛ්ය පරීක්ෂකවරුන්ගේ සංගමය අනතුරු ඇඟවීමක් කර තිබේ. මෙම පනතේ 4 වැනි වගන්තිය යටතේ එන්නත්කරණ කටයුතු පශු වෛද්යවරයෙකු විසින් හෝ ඔහුගේ අධීක්ෂණය යටතේ සිදු කළ යුතු බවට දැක්වීම ප්රායෝගික ගැටලුවක් වන බවත්, සෞඛ්ය වෛද්ය නිධාරී කාර්යාල මට්ටමින් හෝ බොහෝ ප්රාදේශීය සභා තුළ පශු වෛද්යවරුන් නොමැති වීම නිසා දැනට ක්රියාත්මක එන්නත්කරණ වැඩසටහන් ඇනහිටීමේ අවදානමක් ඇති බවත් ඔවුන් ජනාධිපති අනුර කුමාර දිසානායක මහතා වෙත ලිපියක් යොමු කරමින් පෙන්වා දී ඇත.
සෞඛ්ය අමාත්යාංශය සහ ප්රජා සෞඛ්ය වෛද්ය සේවා ඒකක හරහා මහජන සෞඛ්ය පරීක්ෂකවරුන්ගේ දායකත්වයෙන් වසර ගණනාවක් පුරා ක්රියාත්මක මෙම වැඩසටහනට යෝජිත පනතින් බාධා එල්ල වන අතර, ඊට අමතරව පනත ක්රියාත්මක කිරීමේ බලතල ලබා දී ඇති නිලධාරීන් අතරට මහජන සෞඛ්ය පරීක්ෂකවරුන් ඇතුළත් කර නොමැති වීමද බිම් මට්ටමේ ක්රියාකාරකම්වලට බලපාන බව සංගමය පෙන්වා දෙයි. එබැවින්, ජලභීතිකා මර්දන ප්රයත්නවලට බාධා නොවන පරිදි ප්රායෝගික ක්රමවේදයක් සකසන ලෙස සහ අවශ්ය සංශෝධන හඳුන්වා දෙන ලෙස ඔවුන් රජයෙන් ඉල්ලා සිටී.
