ඓතිහාසික කුරුණෑගල රිදී විහාරය සංචාරක ගමනාන්තයක් බවට පත් කිරීමේ යෝජනාව සම්බන්ධයෙන් මූලික සාකච්ඡාවක් ජනාධිපති ලේකම් කාර්යාලයේදී පැවැත්වුණා.
කාන්තා හා ළමා කටයුතු නියෝජ්ය අමාත්ය නාමල් සුදර්ශන සහ ජනාධිපති ලේකම් ආචාර්ය නන්දික සනත් කුමානායක යන මහත්වරුන්ගේ ප්රධානත්වයෙන් පැවති මෙම සාකච්ඡාවේදී, රිදී විහාරයේ පෞරාණික අනන්යතාව සහ ඒ ආශ්රිත පාරිසරික පද්ධතිය ආරක්ෂා කරමින් සංචාරක ආකර්ෂණය තවදුරටත් පුළුල් කිරීම පිළිබඳව අවධානය යොමු කර තිබෙනවා.
ඒ අනුව අදාළ පාර්ශ්ව සම්බන්ධ කරගනිමින් කෙටි කාලයක් තුළ සංවර්ධන සැලසුම් සකස් කර ඉදිරි කටයුතු ආරම්භ කිරීමටද තීරණය කර ඇති බව සඳහන්.
මෙම අවස්ථාවට රිදී විහාරයේ භාරකාර විහාරාධිපති තිබ්බටුවාවේ බුද්ධරක්ඛිත නාහිමි ඇතුළු මහා සංඝරත්නය, පාර්ලිමේන්තු මන්ත්රී එම්. කේ. එම්. අස්ලම්, ශ්රී ලංකා සංචාරක සංවර්ධන අධිකාරියේ සහ වයඹ සංචාරක අධිකාරියේ නිලධාරීන් ඇතුළු පිරිසක් එක්ව සිටියා.
