ශ්රී ලංකාවේ 2026 වසරේ පළමු මාස හතු තුළ බරපතළ මාර්ග අනතුරු ඉහළ ගොස් ඇති අතර, පොලිස් රථවාහන කළමනාකරණ සහ මාර්ග ආරක්ෂණ අංශයේ සංඛ්යාලේඛනවලට අනුව ජනවාරි සිට ජූලි දක්වා කාලය තුළ බරපතළ අනතුරු 1,626ක් වාර්තා වී තිබේ. එය පසුගිය වසරේ අදාළ කාලයට සාපේක්ෂව සියයට 2.6ක වැඩිවීමකි.
2026 වසරේ පළමු මාස හතු තුළ මෙරට සිදුව ඇති මෝටර් සයිකල් මරණ සංඛ්යාව 749කි. ඒ අනුව දිනකට මෝටර් සයිකල් පදවන්නන් තිදෙනෙකුට වැඩි පිරිසක් ජීවිතක්ෂයට පත්ව ඇත.
ජනවාරි 1 සිට ජූලි 31 දක්වා කාලය තුළ හිස්වැසුම් (හෙල්මට්) නීති උල්ලංඝනය කිරීම් සම්බන්ධයෙන් නඩු 271,890ක් පවසා ඇති අතර, එය මසකට සාමාන්යයෙන් 38,841කි. පසුගිය 2025 වසරට සාපේක්ෂව මෙම වසරේ මාසික හෙල්මට් නඩු පැවරීමේ අනුපාතය සියයට 33කින් ඉහළ ගොස් තිබේ.
මියගිය මෝටර් සයිකල් පදවන්නන් අතර වයස අවුරුදු 18ට අඩු 13 දෙනෙකුද වන බව රථවාහන කළමනාකරණ සහ මාර්ග ආරක්ෂණ අංශයේ අධ්යක්ෂ ජ්යෙෂ්ඨ පොලිස් අධිකාරී මනෝජ් රණගාල මහතා පවසයි.
ශ්රී ලංකා ප්රමිතීන්ට අනුකූල නොවන හස්වැසුම් පැළඳීම සහ නිකට පටිය නිසි ලෙස සවි නොකිරීම වැනි කරුණු හේතුවෙන් හිසේ තුවාල සිදුවීමෙන් මරණ බහුලව වාර්තා වන බව ජාතික මාර්ග ආරක්ෂණ සභාවේ සභාපති මංජුල කුලරත්න මහතා පෙන්වා දෙයි.
මාර්ග ආරක්ෂාව තහවුරු කිරීම සඳහා ප්රවාහන, මහාමාර්ග සහ නගර සංවර්ධන අමාත්යාංශය විසින් ක්රියාමාර්ග 96කින් යුත් වසර දෙකක වැඩසටහනක් හඳුන්වා දී ඇති අතර, ඒ යටතේ දැනට ක්රියාමාර්ග 30ක් ක්රියාත්මක කර ඇත.
