රුසියානු බලශක්ති නියෝජ්ය අමාත්ය රෝමන් මාර්ෂවින් (Roman Marshavin) මහතා සහ ජනාධිපති අනුර කුමාර දිසානායක මහතා අතර විශේෂ සාකච්ඡාවක් අද (26) පස්වරුවේ ජනාධිපති ලේකම් කාර්යාලයේදී පැවැත්වීමට නියමිතයි. රුසියානු නියෝජ්ය අමාත්යවරයා අද පෙරවරුවේ දිවයිනට පැමිණි අතර, කටුනායක ගුවන්තොටුපළේදී රජයේ උසස් නිලධාරීන් සහ රුසියානු තානාපතිවරයා විසින් ඔහු උණුසුම් අයුරින් පිළිගනු ලැබුවා.
මෙම හමුවේදී දෙරට අතර බලශක්ති ක්ෂේත්රයේ ද්විපාර්ශ්වික සබඳතා ශක්තිමත් කිරීම පිළිබඳව ප්රධාන වශයෙන් අවධානය යොමු කෙරෙනු ඇති. විශේෂයෙන්ම ගෝලීය වෙළෙඳපොළේ පවතින අස්ථාවරත්වය හමුවේ ශ්රී ලංකාවේ බලශක්ති සුරක්ෂිතතාව තහවුරු කර ගැනීම සඳහා රුසියාවෙන් අඛණ්ඩව ඉන්ධන ලබාගැනීම සහ දිගුකාලීන බලශක්ති හවුල්කාරිත්වයන් ඇති කර ගැනීම පිළිබඳව මෙහිදී දීර්ඝ වශයෙන් සාකච්ඡා කිරීමට නියමිතයි. රුසියානු සමූහාණ්ඩුව සහ ශ්රී ලංකාව අතර පවතින ඓතිහාසික සබඳතා නව ආර්ථික අවස්ථා කරා යොමු කිරීමට මෙම සංචාරය තීරණාත්මක සන්ධිස්ථානයක් වනු ඇතැයි අපේක්ෂා කෙරේ.
