දිවයිනේ පළාත් දෙකක සහ දිස්ත්රික්ක දෙකක තැනින් තැන ගිගුරුම් සහිත වැසි සමග ප්රබල අකුණු ඇතිවීමේ වැඩි හැකියාවක් පවතින බව කාලගුණ විද්යා දෙපාර්තමේන්තුව විසින් හදිසි අවවාදාත්මක නිවේදනයක් නිකුත් කරමින් ප්රකාශ කර සිටියි. අද සවස් කාලයේදී හෝ රාත්රී කාලයේදී මෙම ප්රබල කාලගුණික වෙනස්වීම් සිදුවිය හැකි බවට අදාළ නිවේදනයේ පෙන්වා දී තිබේ.
කාලගුණ විද්යා දෙපාර්තමේන්තුවේ සපයා ඇති දත්ත අනුව ඌව සහ නැගෙනහිර යන පළාත් දෙකට මෙන්ම පොළොන්නරුව සහ මුලතිව් යන දිස්ත්රික්ක දෙකට මෙම ප්රබල අකුණු අනතුරු ඇඟවීම බලපැවැත්වේ. ගිගුරුම් සහිත වැසි ඇති වන විට අදාළ ප්රදේශවල තාවකාලිකව තද සුළං තත්ත්වයක් ද නිර්මාණය විය හැකි බව එම දෙපාර්තමේන්තුව වැඩිදුරටත් සඳහන් කරයි.
මේ අනුව අකුණු මගින් සිදුවන අනතුරු අවම කර ගැනීමටත්, තද සුළං හේතුවෙන් සිදුවිය හැකි හානි වළක්වා ගැනීමටත් අවශ්ය පූර්ව ආරක්ෂිත පියවරයන් අනුගමනය කරන ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටියි.
