දිවයිනේ නිරිතදිග ප්රදේශවල පවතින වැසි තත්ත්වය අදත් (24) තවදුරටත් අපේක්ෂා කරන බව කාලගුණ විද්යා දෙපාර්තමේන්තුව පවසනවා.
ඒ අනුව බස්නාහිර, සබරගමුව, දකුණු, මධ්යම සහ වයඹ පළාත්වල විටින් විට වැසි හෝ ගිගුරුම් සහිත වැසි ඇති විය හැකි අතර, ඇතැම් ස්ථානවලට මිලිමීටර් 100ට වැඩි තද වැසි ඇති විය හැකියි.
උතුරු මැද පළාතේ සහ මන්නාරම දිස්ත්රික්කයේ වැසි ස්වල්පයක් ඇති විය හැකි බවද සඳහන්.
මධ්යම කඳුකරයේ බටහිර බෑවුම් ප්රදේශවල, උතුරු මැද හා වයඹ පළාත්වල මෙන්ම ත්රිකුණාමලය, හම්බන්තොට සහ මාතලේ දිස්ත්රික්කවල විටින් විට පැයට කිලෝමීටර් 40–50ක පමණ තද සුළං ඇති විය හැකියි.
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු හේතුවෙන් සිදුවන අනතුරු අවම කර ගැනීමට අවශ්ය පියවර ගන්නා ලෙසද කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
