කටුනායක ආයෝජන ප්රවර්ධන කලාපයේ අත්වැසුම් නිෂ්පාදන පෞද්ගලික සමාගමක නිෂ්පාදන සහ වෙළෙඳ රහස් මූල්යමය ලාභයක් උදෙසා වෙනත් සමාගමකට හෙළිදරව් කිරීමේ චෝදනාවට ලක් වූ සේවකයෙකුට, අදාළ සමාගමට රුපියල් මිලියන 50ක වන්දියක් ගෙවන ලෙස ශ්රේෂ්ඨාධිකරණය නියෝග කර තිබේ.
ශ්රේෂ්ඨාධිකරණ විනිසුරු මහින්ද සමයවර්ධන මහතා විසින් (ජනක් ද සිල්වා සහ සම්පත් විජේරත්න යන විනිසුරුවරුන්ගේ එකඟත්වය ඇතිව) මෙම තීන්දුව ප්රකාශයට පත් කර ඇත. පැමිණිලිකාර සමාගම කොළඹ වාණිජ මහාධිකරණයේ නඩුවක් ගොනු කර තිබූ අතර, මහාධිකරණ තීන්දුවට එරෙහිව ඉදිරිපත් වූ අපියාචනයක් සලකා බලමිනි ශ්රේෂ්ඨාධිකරණය මෙම නියෝගය ලබා දී ඇත්තේ.
