ලංකාවේ බලශක්ති ක්ෂේත්රයේ දැවැන්ත පරිවර්තනයක් සිදු කරමින්, එළඹෙන 2030 වසර වන විට ජාතික විදුලි උත්පාදනයෙන් සියයට 70ක්ම (70%) පුනර්ජනනීය බලශක්ති ප්රභවයන්ගෙන් සපුරා ගැනීමට රජය ඉලක්ක කර ඇති බව අග්රාමාත්ය හරිනි අමරසූරිය මෙනෙවිය පාර්ලිමේන්තුවේදී විශේෂ ප්රකාශයක් කරමින් අවධාරණය කළාය. පොසිල ඉන්ධන මත යැපීම අවම කරමින් රට බලශක්ති ස්වාධීනත්වය කරා ගෙන යාම මෙම 6 අවුරුදු ජාතික සැලසුමේ ප්රධාන අරමුණ බව ඇය පෙන්වා දුන්නාය.
ශ්රී ලංකා සුනිත්ය බලශක්ති අධිකාරියේ 2025-2030 සංවර්ධන සැලසුමට අනුව, ඉදිරි කාලය තුළ සුළං බලශක්තිය මඟින් මෙගාවොට් 1,274ක් සහ සූර්ය බලශක්තිය මඟින් මෙගාවොට් 2,071ක් අලුතින් ජාතික විදුලි පද්ධතියට එක් කිරීමට සියලු සැලසුම් සකස් කර තිබේ. “කොච්චර පුනර්ජනනීය බලශක්තිය අපි නිෂ්පාදනය කරත් ඒක ගබඩා කිරීමේ පහසුකම් හරියට තිබ්බේ නැත්නම් අපි ඒකෙන් කිසි ප්රයෝජනයක් ගන්න බැහැ. මම හිතන්නේ අපි ගත්ත තීරණාත්මකම පියවරක් ඒක වෙනවා” යැයි ද අග්රාමාත්යවරිය මෙහිදී සභාව හමුවේ විශේෂයෙන්ම සඳහන් කළාය.
මෙම දැවැන්ත හරිත බලශක්ති ධාරිතාවය කිසිදු බාධාවකින් තොරව සහ උපරිම කාර්යක්ෂමතාවයකින් යුතුව ජාතික පද්ධතියට අවශෝෂණය කර ගැනීම සඳහා වත්මන් ජාතික සම්ප්රේෂණ හා බෙදාහැරීමේ පද්ධතිය (Transmission and Distribution Grid) පුළුල් කිරීමට සහ නවීකරණය කිරීමට රජය මේ වන විට කටයුතු කරමින් පවතින බව ද අග්රාමාත්ය හරිනි අමරසූරිය මෙනෙවිය වැඩිදුරටත් කියා සිටියාය.
