ශ්රී ලංකාවට ඊසාන දෙසින් මුහුදු ප්රදේශයේ නිර්මාණය වී ඇති අඩු පීඩන කලාපය තවදුරටත් එකම ප්රදේශයේ රැඳී පවතින බව කාලගුණ විද්යා දෙපාර්තමේන්තුව නිවේදනය කරයි. මෙම කාලගුණ පද්ධතියේ වර්ධනය, හැසිරීම සහ එය ඉදිරියට ගමන් කරන මාර්ගය පිළිබඳව කාලගුණ බලධාරීන් අඛණ්ඩව නිරීක්ෂණය කරමින් සිටී.
දිගින් දිගටම වැසි ඇති වන ප්රදේශ:
බස්නාහිර, සබරගමුව, මධ්යම, වයඹ සහ උතුරු පළාත්වලත්, ගාල්ල සහ මාතර දිස්ත්රික්කවලත් අහස වලාකුළින් බරව පවතින අතර විටින් විට වැසි හෝ ගිගුරුම් සහිත වැසි ඇතිවේ. ඇතැම් ප්රදේශවලට මිලිමීටර් 75ක පමණ තරමක තද වැසි ඇතිවිය හැක. මීට අමතරව අනුරාධපුර දිස්ත්රික්කය සඳහා ද වැසි වාර කිහිපයක් අපේක්ෂා කෙරේ.
සංවහන වැසි (සවස 1.00 න් පසු):
ඌව සහ නැගෙනහිර පළාත්වල ස්ථාන ස්වල්පයක සවස් කාලයේදී හෝ රාත්රී කාලයේදී ගිගුරුම් සහිත වැසි වර්ධනය විය හැක.
අනතුරු අවම කර ගැනීමට උපදෙස්:
ගිගුරුම් සහිත වැසි ඇති වන අවස්ථාවලදී තාවකාලික තද සුළං සහ දරුණු අකුණු අනතුරු ඇතිවීමේ අවදානමක් පවතින බැවින්, ඉන් ආරක්ෂා වීමට අවශ්ය පූර්ව පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටී.
