තද සුළං සහ රළු මුහුදු ප්රදේශ පිළිබඳව කාලගුණ විද්යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබේ. මෙම නිවේදනය කන්කසන්තුරය සිට මන්නාරම හරහා පුත්තලම දක්වා, මුලතිවු සිට ත්රිකුණාමලය දක්වා සහ හම්බන්තොට සිට පොතුවිල් දක්වා වන මුහුදු ප්රදේශ සඳහා බලාත්මක වනු ඇත.
අදාළ වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැයට කිලෝමීටර් 50ත් 60ත් දක්වා වැඩි විය හැකි අතර, එම මුහුදු ප්රදේශ විටින් විට රළු විය හැක. මීට අමතරව, පුත්තලම සිට කොළඹ, ගාල්ල සහ මාතර හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල මුහුදු රළ මීටර් 2.0ත් 3.0ත් අතර උසකින් ඉහළ යාමේ හැකියාවක් පවතින බව සඳහන්ය. එබැවින්, ධීවර සහ නාවික ප්රජාව මේ පිළිබඳව දැඩි අවධානයෙන් කටයුතු කරන ලෙස කාලගුණ විද්යා දෙපාර්තමේන්තුව වැඩිදුරටත් ඉල්ලා සිටියි.
