2026 කාන්තා විස්සයි20 ආසියානු කුසලාන තරගාවලියේ B කාණ්ඩය යටතේ පැවති තීරණාත්මක තරගයකදී බංග්ලාදේශ කාන්තා කණ්ඩායම කඩුලු 4කින් පරාජය කිරීමට ශ්රී ලංකා කාන්තා කණ්ඩායම සමත් විය. ඩුබායි ජාත්යන්තර ක්රිකට් ක්රීඩාංගණයේදී පැවති මෙම තරගයේදී කාසියේ වාසිය දිනාගත් ශ්රී ලංකා නායිකා චමරි අතපත්තු ප්රථමයෙන් පන්දු රැකීමට තීරණය කළ අතර, එම තීරණය සාර්ථක කරමින් බංග්ලාදේශ කණ්ඩායම පන්දුවාර 20 අවසානයේ කඩුලු 8ක් දැවී ලකුණු 114කට සීමා කිරීමට ශ්රී ලංකා පන්දු යවන්නියෝ සමත් වූහ.
විශිෂ්ට පන්දු යැවීමක නිරත වූ චමුදි ප්රබෝධා ලකුණු 21කට කඩුලු 3ක් සහ සුගන්දිකා කුමාරි ලකුණු 22කට කඩුලු 2ක් දවා ගනිමින් බංග්ලාදේශ ඉනිම පාලනය කළ අතර, පිළිතුරු ඉනිම ක්රීඩා කළ ශ්රී ලංකා කණ්ඩායම පන්දුවාර 19.2කදී කඩුලු 6ක් පමණක් දැවී ලකුණු 115ක් ලබා ගනිමින් ජයග්රහණය වාර්තා කළේය. මෙහිදී අගනා පිතිහරඹයක නිරත වූ හර්ෂිතා සමරවික්රම පන්දු 37කින් නොදැවී ලකුණු 48ක් රැස් කරමින් කණ්ඩායම ජයග්රහණය කරා මෙහෙයවූ අතර, ඊට නිලක්ෂි ද සිල්වා ලකුණු 18ක් සහ ඉමේසා දුලානි ලකුණු 12ක් එකතු කරමින් සහාය ලබා දුන්හ.
මෙම තීරණාත්මක ජයග්රහණයත් සමඟ ශ්රී ලංකා කාන්තා කණ්ඩායම 2026 ආසියානු කුසලාන තරගාවලියේ අවසන් පූර්ව වටය සඳහා වන තම ස්ථානය ඉතා සාර්ථක ලෙස තහවුරු කර ගැනීමට සමත් විය. ඉදිරි අවසන් පූර්ව තරග වටය සඳහා ශ්රී ලංකා ක්රීඩිකාවන්ට මෙම ජයග්රහණය විශාල මානසික ශක්තියක් වන අතර, මව්බිමඩ අපේක්ෂා දල්වා සිටින ක්රීඩාලෝපීන්ගේ අපේක්ෂා ඉහළ නංවමින් ඔවුන් ඉදිරි අදියරයන් සඳහා සූදානම් වේ.
