මැලේසියාවේ සුප්රකට ජෙන්ටින් හයිලන්ඩ්ස් (Genting Highlands) හිදී අතිඋත්කර්ෂවත් අන්දමින් පැවැත්වුණු 2026 ජෙන්ටින් ජාත්යන්තර අබැකස් මානසික ගණිත තරඟාවලියේදී (Genting International Abacus Mental Arithmetic Competition 2026) ලෝකයේ ප්රබල රටවල් රැසක් පසුපසට තල්ලු කරමින්, ශ්රී ලංකාව නියෝජනය කළ ICAM ABACUS ආයතනයේ සිසුන් 38 දෙනෙකුගෙන් යුත් කණ්ඩායමක් මහා ජාත්යන්තර ජයග්රහණ රැසක් මව්බිමට දිනා දීමට සමත්ව ඇත. ලොව පුරා විවිධ දියුණු රටවල් රැසක් නියෝජනය කරමින් අතිදක්ෂ ශිෂ්ය ශිෂ්යාවන් 2,500 කට අධික දැවැන්ත සංඛ්යාවක් සහභාගී වූ මෙම සුවිශේෂී ලෝක මට්ටමේ තරඟාවලිය පුරා ලංකාවේ දරුවන් දැක්වූ අතිඅසාමාන්ය ගණිතමය දක්ෂතාවයන් ජාත්යන්තර විනිශ්චය මණ්ඩලයේ පවා දැඩි ඇගයීමට ලක්ව තිබේ.
මෙම ගෝලීය තරඟාවලියේදී මුළු මහත් ශ්රී ලංකාවටම ඉමහත් කීර්තියක් අත්කර දෙමින් ICAM කණ්ඩායමේ දරුවන් ජාත්යන්තර පදක්කම් සහ ස්ථාන රැසක් මෙලෙස දිනාගෙන ඇත:
– ලෝකයේ ප්රථම ස්ථාන (1st Places) – 14ක්
– ලෝකයේ දෙවන ස්ථාන (2nd Places) – 17ක්
– ලෝකයේ තෙවන ස්ථාන (3rd Places) – 24ක්
– ලෝකයේ සිව්වන ස්ථාන (4th Places) – 10ක්
– ලෝකයේ පස්වන ස්ථාන (5th Places) – 11ක්
ශ්රී ලාංකීය දරුවන් සතු උපතින්ම ගෙන ආ සහජ බුද්ධිය, මානසික ඒකාග්රතාවය මෙන්ම ශ්රී ලංකාව තුළ ක්රියාත්මක වන අබැකස් මානසික ගණිත අධ්යාපනයේ (Mental Arithmetic Education) අතිඋසස් ගුණාත්මකභාවය සහ ශක්තිය ජාත්යන්තර තලයේදී නැවත වතාවක් සහතික කිරීමට මෙම සුවිශේෂී ජයග්රහණය හේතු වී තිබේ. මැලේසියාවේදී ලංකා නාමය ඉහළින්ම ඔසවා තැබූ මෙම දරුවන්ගේ අනාගත ගණිතමය කුසලතා තවදුරටත් වර්ධනය කරගැනීම සඳහා වන විශේෂ අධ්යාපනික වැඩසටහන් සහ ඉදිරි ලියාපදිංචි වීම් පිළිබඳ වැඩිදුර තොරතුරු 078 578 4435 යන දුරකථන අංකය ඇමතීමෙන් ලබාගත හැකි බව සංවිධායක මණ්ඩලය ප්රකාශ කර සිටියි.
