මැදපෙරදිග කලාපයේ පවතින උග්ර යුදමය වාතාවරණය හේතුවෙන් ගුවන් ගමන් අවලංගු වීම නිසා ශ්රී ලංකාව තුළ අතරමංව සිටින විදේශීය සංචාරකයන්ට සහාය වීම සඳහා එළඹෙන මාර්තු 23 වනදා කොළඹ සිට පැරිස් දක්වා අතිරේක ගුවන් යානයක් ක්රියාත්මක කිරීමට ශ්රීලංකන් ගුවන් සේවය (SriLankan Airlines) තීරණය කර තිබේ. ඒ අනුව UL563 දරන මෙම විශේෂ ගුවන් යානය මාර්තු 23 වනදා පෙරවරු 07:20 ට කටුනායකින් පිටත්ව එදිනම පස්වරු 14:25 ට පැරිස් නුවර වෙත ළඟා වීමට නියමිතය.
ශ්රී ලංකාවේ ප්රංශ තානාපති රෙමී ලැම්බර්ට් (Rémi Lambert) මහතා සඳහන් කළේ මැදපෙරදිග හරහා වැටී ඇති ගුවන් මාර්ග අවහිර වීම නිසා ප්රංශ සංචාරකයන් 2,000කට අධික පිරිසක් මෙරට තුළ රැඳී සිටින බවයි. සෘජු ගුවන් ගමන් පැවතියද, පවතින පිරිවැය පීඩනය හමුවේ ගුවන් ටිකට්පත් මිල ඉහළ මට්ටමක පැවතීම සංචාරකයන්ට ගැටලුවක් වී ඇති බව ද හෙතෙම පෙන්වා දුන්නේය. මේ වන විට ප්රංශ තානාපති කාර්යාලය අදාළ සංචාරකයන් සමඟ අඛණ්ඩව සම්බන්ධ වෙමින් ඔවුන් යළි සිය රට බලා යැවීමට අවශ්ය කටයුතු සම්බන්ධීකරණය කරමින් සිටියි.
