මෙරට ගුවන් සේවා ක්ෂේත්රය සහ උසස් අධ්යාපන සිහින දකින තරුණ තරුණියන් අතර මේ වන විට ලොකු කතාබහක් නිර්මාණය වී තිබෙනවා. ශ්රී ලංකාවේ නාමය ජාත්යන්තර තලයට ගෙන යමින් අත්කරගත් අතිජය විශේෂ ජයග්රහණයක් ගැනයි මෙසේ අන්තර්ජාලය පුරාම ලැව්ගින්නක් සේ පුවත් පැතිර යන්නේ.
ශ්රීලංකන් ගුවන් සේවයට අයත් SriLankan Aviation College (SLAC) පුහුණු පාසල වෙත ජාත්යන්තර ගුවන් ප්රවාහන සංගමය (IATA) විසින් 2026 වසර සඳහා ‘IATA Authorised Training Centre Preferred Partner’ ගෝලීය පිළිගැනීම නැවත වරක් පිරිනමා තිබෙනවා.
ලොව විශිෂ්ටතම කාර්යසාධනයක් සහිත IATA පුහුණු මධ්යස්ථාන 10 අතරට එක්වෙමින් ලැබූ මෙම ජයග්රහණය හුදෙක් සම්මානයකට පමණක් සීමා වූවක් නෙමෙයි. 2008 වසරේ සිට ජාත්යන්තර මට්ටමේ අධ්යාපනයක් ලබාදුන් මෙම ආයතනය, ශ්රී ලංකාවේ පවතින එකම IATA Regional Training Partner තත්ත්වය හිමි ස්ථානය වීමද විශේෂත්වයක්.
මෙම පුවත එළියට ඒමත් සමඟම අනාගතයේ Cabin Crew, Travel & Tourism, Cargo වැනි ජාත්යන්තර ගුවන් සේවා ක්ෂේත්රයේ රැකියාවලට පිවිසීමට සිහින මවන දහස් සංඛ්යාත තරුණ තරුණියන් අතර දැඩි උද්යෝගයක් නිර්මාණය වී තිබෙනවා. ගෝලීය මට්ටමේ රැකියා සිහින සබෑ කරගන්න ලැබුණු හොඳම අවස්ථාවක් ලෙසයි බොහෝ දෙනා මෙය හඳුන්වන්නේ.
දශක හතරකට අධික දීර්ඝ අත්දැකීම් ඇති මෙම ආයතනය, අතිනවීන පහසුකම් සහ ජාත්යන්තර පිළිගැනීම හමුවේ කලාපයේ ප්රමුඛතම ගුවන් සේවා පුහුණු මධ්යස්ථානය ලෙස සිය ආධිපත්යය තවදුරටත් තහවුරු කරගෙන අවසන්.
මෙම ජාත්යන්තර පිළිගැනීමත් සමඟින් ඉදිරියේදී ලංකාවේ තරුණ තරුණියන්ට ලෝකයේ ඉහළම පෙළේ ගුවන් සේවාවන් වෙත පියඹා යාමට පාර කැපේවිද? ඔබේ අදහසත් අපට කියන්න.
