මෙවර ශ්රී පාද වන්දනා සමය ඊයේ (30) මධ්යම රාත්රියෙන් අවසන් වූ බව ශ්රී පාදස්ථානාධිපති, සබරගමු පළාත් ප්රධාන සංඝනායක පූජ්ය බෙංගමුවේ ධම්මදින්න හිමි සඳහන් කරයි. වෙසක් පොහෝ දිනය නිමිත්තෙන් ශ්රී පාද උඩ මළුවේ විශේෂ ආගමික වැඩසටහන් රැසක් ද සංවිධානය කර තිබුණි.
උඩ මළුවේ පැවති ආගමික වතාවත්වලින් අනතුරුව එහි තැන්පත් කර තිබූ සධාතුක කරඩුව, සමන් දේව ප්රතිමාව සහ දේව ආභරණ මාර්ග 4ක් ඔස්සේ පැල්මඩුල්ල, ගල්පොත්තාවල ශ්රී පාද රජමහා විහාරස්ථානය දක්වා පෙරහරෙන් වැඩම කරවීම ආරම්භ කර තිබේ. ඒ අනුව රත්නපුර මාර්ගයේ පෙරහර අද (31) අලුයම ශ්රී පාද උඩමළුවේ සිට ගල්පොත්තාවල ශ්රී පාද රජමහා විහාරස්ථානය බලා ගමන් ආරම්භ කළේය. මෙලෙස වැඩම කරවන සධාතුක කරඩුව ඇතුළු දේව ආභරණ ඉදිරි ශ්රී පාද අවාරය අවසන් වන තෙක් එම විහාරස්ථානයේ විශේෂ පීඨයක තැන්පත් කර තැබීමට නියමිතය.
