ස්ටැන්ෆර්ඩ් විශ්වවිද්යාලයේ පර්යේෂකයන් පිරිසක් විසින් කෘත්රිම බුද්ධිය (AI) උපයෝගී කරගනිමින්, රසායනාගාරයක් තුළදී පූර්ණ ලෙස ක්රියාකාරී වන සහ ප්රජනනය වීමේ හැකියාව ඇති අලුත්ම වෛරස වර්ග සාර්ථකව නිර්මාණය කර තිබේ.
වෛරස, බැක්ටීරියා, ශාක සහ මිනිසුන්ගේ ජානමය අනුක්රම මත පුහුණු කරන ලද AI ආකෘති භාවිතයෙන් බැක්ටීරියා ආසාදනය කරන නමුත් මිනිසුන්ට කිසිදු තර්ජනයක් නොවන නව බැක්ටීරියෝෆේජ් (bacteriophages) වෛරස 16ක් මෙම කණ්ඩායම විසින් නිර්මාණය කර ඇත. මෙම සොයාගැනීම් ‘සයන්ස්’ (Science) විද්යාත්මක සඟරාවේ පළ කර තිබේ.
පර්යේෂකයන් පවසන පරිදි, මෙම පෙරළිකාර සොයාගැනීම මඟින් ප්රතිජීවක (antibiotic-resistant) බැක්ටීරියා ආසාදන සඳහා ප්රතිකාර සංවර්ධනය කිරීම වේගවත් කළ හැකි අතර, එය කෘත්රිම ජීව විද්යාව (synthetic biology) ක්ෂේත්රයේ විශාල ප්රගතියක් සනිටුහන් කරයි.
කෙසේ වෙතත්, ප්රමාණවත් ආරක්ෂක විධිවිධාන අඛණ්ඩව පවත්වා නොගතහොත් අනාගතයේදී මෙම තාක්ෂණය අයුතු ලෙස භාවිතා කරමින් අහිතකර වෛරස නිර්මාණය කිරීමට මගපෑදිය හැකි බවට විශේෂඥයෝ අනතුරු ඇඟვიති.
ආසාදනය කළ හැකි වෛරස AI පුහුණු දත්තවලින් හිතාමතාම බැහැර කළ බවත්, අවදානම අවම කර ගැනීම සඳහා ආරක්ෂිත රසායනාගාරයක් තුළ මෙම පර්යේෂණ සිදු කළ බවත් පර්යේෂකයෝ සඳහන් කරති.
