ඖෂධ වලින් ගසා කෑම නැවැත්වීම අමාත්යාංශයේ වගකීමක් බව සෞඛ්ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසයි.
හිල් පොල් කට්ටකට වතුර දානවා වගේ අනාගතයේ ඖෂධ හිගයක් නෑ කියන එක හැමදාම ඇමතිවරු කියපු බොරුවක් බව කුමුදේශ් මහතා පැවසිය.
ඖෂධ නියාමන අධිකාරියේ ප්රධාන විධායක නිලධාරියා ඉවත් කරලා සුමාන තුනක් වන අතර විගණන වාර්ථා නොදීම නිසා වර්ථමාන අධ්යක්ෂක මණ්ඩලය අකර්මන්ය වී ඇති අතර වහාම ස්වාධීන නිල මණ්ඩලයක් පත් කරන්නැයි ඔහු කියා සිටියේය.
ඖෂධ නියාමන අධිකාරියට එක හැන්දකුත්, ඖෂධ නීතිගත සංස්ථාවට තව හැන්දකුත් තියා ගන්න ඇමතිවරයාට නොහැකි බවත් ඖෂධ නීතිගත සංස්ථාවත් ව්ගණන වාර්ථා ලබා දීලා නොමැති බව කුමුදේශ් මහතා අනාවරණ කර සිටියේය. එසේම බ්රෑන්ඩඩ් ඖෂධ මාෆියාවට උඩ සිට පහලට හැමෝම සම්බන්ධ බව ද ඔහු අවධාරණය කලේය.
අනාගතයේ සෞඛ්ය ප්රශ්ණයක් නෑ කියන ඇමතිවරයාගෙන් අසා සිටින්නේ සැපයුම් වලට ගෙවන්න තියන බිලියන් 35ක පමණ ණය කන්දරාව ගෙවන්නේ කවදාද කියා යැයි කුමුදේශ් මහතා වැඩිදුරටත් කියා සිටියේය.
