කල්මුණේ මහ නගර සභාව සහ සයින්දමරුදු නගර සභාව සඳහා සාමාජිකයන් පත් කර ගැනීමට අදාළ මැතිවරණ නීත්යානුකූලව පවත්වන ලෙස ශ්රේෂ්ඨාධිකරණය අද මැතිවරණ කොමිෂන් සභාවට නියෝග කළේය. සයින්දමරුදු ප්රදේශයේ පදිංචිකරුවන් දෙදෙනෙකු විසින් ඉදිරිපත් කළ මූලික අයිතිවාසිකම් පෙත්සමක් සලකා බැලූ විනිසුරු ජනක් ද සිල්වා, ප්රියන්ත ප්රනාන්දු සහ සම්පත් අබේකෝන් යන ත්රිපුද්ගල විනිසුරු මඩුල්ල විසින් මෙම තීන්දුව ලබා දෙන ලදී.
සයින්දමරුදු ප්රදේශය නගර සභාවකට අයත් වුවද, 2020 වසරේ නිකුත් කළ නාම යෝජනා කැඳවීමේ ගැසට් නිවේදනයට එම ප්රදේශය ඇතුළත් නොකිරීමෙන් තම මූලික අයිතිවාසිකම් උල්ලංඝනය වී ඇති බව පෙත්සම්කරුවන් අධිකරණය හමුවේ තර්ක කළහ. ඒ අනුව, ජාතික කමිටුවේ නිර්දේශ මත කල්මුණේ සහ සයින්දමරුදු පළාත් පාලන ආයතන සඳහා නිර්මාණය කර ඇති කොට්ඨාස සංඛ්යාව, සීමා මායිම් සහ නම් ඇතුළත් ගැසට් නිවේදනය ප්රකාශයට පත් කරන ලෙස ද ශ්රේෂ්ඨාධිකරණය විසින් ජනාධිපතිවරයා වෙත වැඩිදුරටත් නියෝග කර තිබේ.
