අල්ලස් කොමිසම විසින් තමන්ට එරෙහිව ගොනුකර ඇති දූෂණ නඩුවක් ඉවත දමන ලෙස ඉල්ලා හිටපු අමාත්ය ලක්ෂ්මන් යාපා අබේවර්ධන මහතා ඉදිරිපත් කළ අභියාචනා පෙත්සම සලකා බැලීම සඳහා ශ්රේෂ්ඨාධිකරණය අද (15) දින නියම කළේය. ඒ අනුව අදාළ පෙත්සම කරුණු තහවුරු කිරීම සඳහා ලබන සැප්තැම්බර් මස 07 වනදා කැඳවීමට නියමිතය.
අගවිනිසුරු ප්රීති පද්මන් සූරසේන, අචල වෙංගප්පුලි සහ සම්පත් විජේරත්න යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල හමුවේ මෙම පෙත්සම අද කැඳවනු ලැබීය.
පෙත්සම්කාර ලක්ෂ්මන් යාපා අබේවර්ධන මහතා පවසන්නේ අල්ලස් කොමිසම විසින් තමන්ට එරෙහිව කොළඹ මහාධිකරණය හමුවේ පවරා ඇති නඩුව පවත්වාගෙන යාමට නීතිමය හැකියාවක් නොමැති බවයි. එම නඩුවට එරෙහිව සිය නීතිඥයින් මූලික විරෝධතා මතු කළද, මහාධිකරණය ඒවා ප්රතික්ෂේප කළ බවත්, එම තීරණය නීතියට පටහැනි බැවින් අදාළ නඩුව ඉවත දමන ලෙසත් ඔහු සිය අභියාචනය මගින් ශ්රේෂ්ඨාධිකරණයෙන් ඉල්ලා සිටියි.
