ආබාධිත පුද්ගලයෙකුට නිවාස ආධාර ලබාදීමේ කටයුතු කඩිනම් කිරීම සඳහා අල්ලස් මුදලක් ඉල්ලා ලබාගත් බවට වරදකරු වූ හිටපු ග්රාම නිලධාරියෙකුට කොළඹ මහාධිකරණය විසින් නියම කළ බරපතළ වැඩ සහිත වසර 5ක සිරදඬුවම ශ්රේෂ්ඨාධිකරණය විසින් ස්ථිර කළ බවට වාර්තා වේ.
වාර්තා අනුව, 2013 වසරේදී ආබාධිත පුද්ගලයෙකුට නිවාස ආධාර ලබාදීමේ කටයුතු සම්බන්ධයෙන් රුපියල් ලක්ෂයක මුදලක් ඉල්ලා, එහි පළමු වාරිකයෙන් රුපියල් 25,000ක් ලබාගැනීම සම්බන්ධයෙන් මෙම නඩුව පවරා තිබේ. අදාළ ග්රාම නිලධාරියා එවකට රත්නපුර, කුඩාව ග්රාම නිලධාරී වසමේ සේවය කර ඇති බව සඳහන් වේ.
දීර්ඝ නඩු විභාගයකින් අනතුරුව කොළඹ මහාධිකරණය විසින් ඔහු වරදකරු කර වසර 5ක බරපතළ වැඩ සහිත සිරදඬුවමක් නියම කර තිබූ අතර, එම තීන්දුවට එරෙහිව අභියාචනාධිකරණයටද අභියාචනයක් ඉදිරිපත් කර තිබේ.
අභියාචනාධිකරණ තීන්දුවේ සඳහන් කරුණු අනුව, අදාළ නිවාස ආධාර වැඩසටහන යටතේ ලැබිය යුතු මුදලින් එක් එක් වාරිකයකින් රුපියල් 25,000 බැගින් ලබාදෙන ලෙස ඉල්ලා ඇති අතර, සම්පූර්ණයෙන් රුපියල් 100,000ක් ඉල්ලා තිබූ බවට සාක්ෂි ඉදිරිපත් වී තිබේ.
පසුව එම තීන්දුව සම්බන්ධයෙන්ද අතෘප්තියට පත් විත්තිකරු ශ්රේෂ්ඨාධිකරණයට අභියාචනයක් ඉදිරිපත් කර ඇති අතර, එම අභියාචනය සම්බන්ධයෙන් ශ්රේෂ්ඨාධිකරණය තීන්දුවක් ලබාදී ඇති බව අද වාර්තා කර තිබේ.
