විදේශීය ජාතිකයින් පිරිසක් විසින් තලවතුගොඩ ප්‍රදේශයේ නිවසක් තුළ පවත්වාගෙන ගිය සංවිධානාත්මක ඔන්ලයින් සූදු ජාලයක් වටලා, නීතිවිරෝධී ලෙස අන්තර්ජාලය හරහා මුදල් ඔට්ටු ඇල්ලීමේ නිරත වූ ඉන්දීය ජාතිකයින් අට දෙනෙකු තලංගම පොලිසිය විසින් අත්අඩංගුවට ගෙන තිබේ. පසුගිය 4 වන දින ලද රහසිගත දුරකථන පණිවුඩයක් මත ක්‍රියාත්මක වූ පොලිසිය, කඩුවෙල මහෙස්ත්‍රාත් අධිකරණයෙන් ලබාගත් සෝදිසි වරෙන්තුවක් මත අපරාධ වාර්තා කොට්ඨාසය, අපරාධ පරීක්ෂණ දෙපාර්තමේන්තුවේ පරිගණක අපරාධ අංශය සහ පොලිස් සංචාරක කොට්ඨාසය ඒකාබද්ධව මෙම වැටලීම සිදු කර ඇත.
අත්අඩංගුවට ගත් වයස අවුරුදු 22 සහ 51 අතර පසුවන මෙම සැකකරුවන් සතුව තිබී පරිගණක යන්ත්‍ර 6ක්, ජංගම දුරකථන 39ක් සහ තවත් උසස් තාක්ෂණික පරිගණක උපාංග රාශියක් පොලිස් භාරයට ගෙන ඇති අතර, මෙවැනි ජාවාරම් හරහා රට තුළ සිදුවන නීතිවිරෝධී මූල්‍ය ගනුදෙනු සහ ජාත්‍යන්තර සූදු ජාලවල ක්‍රියාකාරිත්වය පිළිබඳව බරපතල සමාජයීය හා ආර්ථික ගැටලු මතු වී තිබේ. මෙරට නීතිමය රාමුව මඟදිමින් තාක්ෂණය කරමින් සිදුකරන මෙවැනි ජාවාරම් රටේ ජාතික ආරක්ෂාවට මෙන්ම මූල්‍ය විනයටද සෘජු තර්ජනයක් වී ඇති බව ආරක්ෂක අංශ පෙන්වා දෙයි.
මෙම සිදුවීමට සම්බන්ධ සැකකරුවන් වැඩිදුර විමර්ශන සඳහා තලංගම පොලීසිය වෙත ඉදිරිපත් කර ඇති අතර, මෙවැනි ජාවාරම්වලට සම්බන්ධ මෙරට ප්‍රාදේශීය ආධාරකරුවන් හෝ ජාලයේ සෙසු සාමාජිකයින් හඳුනාගැනීම සඳහා පුළුල් පරිපූරක පරීක්ෂණ ක්‍රියාත්මක කර ඇත. ඉදිරියේදී මෙවැනි නීතිවිරෝධී විදේශීය ජාවාරම් මැඩපැවැත්වීම සඳහා බුද්ධි අංශ හා සම්බන්ධ වී විශේෂ මෙහෙයුම් දියත් කිරීමට නියමිත බව පොලිසිය වැඩිදුරටත් සඳහන් කරයි.
