මහජන උපයෝගීතා කොමිෂන් සභාවේ සභාපති ජනක රත්නායක මහතාව ඉවත් කිරීම සදහා වන යෝජනාව විවාදයට ගැනීම අද (24 ) නියමිත බව පාර්ලිමේන්තු සන්නිවේදන අංශය නිවේදනය කරයි.
මහජනතාවගේ විදුලි බිල අධික ලෙස වැඩි කිරීමට එරෙහිව කටයුතු කිරීම වරදක් ලෙස දකිමින් සභාපති ධුරයෙන් තමන් ඉවත් කිරීමට තීරණය කර ඇති බව ආණ්ඩු පක්ෂය පවසයි.
නමුත් මැති සබයට ගෙනෙන යෝජනාවට පාර්ලිමේන්තුවේදී අත එසවීමට පෙර වරක් දෙවරක් නොව කිහිප අවස්ථාවක් සිතා බලන ලෙස ජනක රත්නායක මහතා පාර්ලිමේන්තු මන්ත්රීවරුන්ගෙන් ඊයේ (23) මාධ්ය හමුවක් කැඳවමින් ඉල්ලා සිටියේය.
තමාට එරෙහිව චෝදනා එල්ල කර ඇති චෝදනා වසර 15 කට පෙර එල්ලවී තිබූ චෝදනාම බවත් එම චෝදනාවලින් තමන් වැරදිකරු බවට පත්වී නැති බවත් ඒ මහතා පවසා සිටියේය.
