කැනඩාවේ ටොරොන්ටෝ නුවර පැවති ‘සල්සා ඔන් ශාන්ත ක්ලෙයාර්’ උත්සවය අතරතුර සිදුවූ වෙඩි තැබීමේ සිද්ධියකින් පුද්ගලයින් දෙදෙනෙකු මියගොස් තවත් පස් දෙනෙකු තුවාල ලබා ඇති බව පොලිසිය පවසයි.
වෙඩි තැබීමේ සිද්ධියෙන් පසු තුවාල ලැබූ පස් දෙනෙකු සොයා ගෙන ඇති අතර, ඔවුන්ගෙන් දෙදෙනෙකු සිද්ධිය වූ ස්ථානයේදීම මියගිය බව ප්රකාශ කර තිබේ. ඉතිරි තුවාල ලැබූවන්ගේ වත්මන් සෞඛ්ය තත්ත්වය පිළිබඳව තවමත් නිශ්චිත තොරතුරු වාර්තා වී නොමැත.
මෙම වෙඩි තැබීම සිදුව ඇත්තේ වාර්ෂිකව පැවැත්වෙන ලතින් උත්සවයක් වන ‘සල්සා ඔන් ශාන්ත ක්ලෙයාර්’ උත්සවය පැවති මිඩ්ටවුන් ටොරොන්ටෝ ප්රදේශයේදීය. අදාළ ප්රදේශයට ගමන් කිරීමෙන් වළකින ලෙසත්, පොලිසිය ලබා දෙන උපදෙස් අනුගමනය කරන ලෙසත් බලධාරීන් මහජනතාවගෙන් ඉල්ලා සිටී.
සැකකරුවෙකු හෝ වෙඩි තැබීමට හේතුව පිළිබඳව මෙතෙක් තොරතුරු අනාවරණය වී නොමැති අතර, වැඩිදුර තොරතුරු ලැබුණු පසු ඒ පිළිබඳව දැනුම් දෙන බව පොලිසිය පවසයි.
