ප්රංශයේ ප්රමුඛතම බලශක්ති සමාගමක් වන ටෝටල් එනර්ජීස් (TotalEnergies), කසකස්ථානය කේන්ද්ර කරගත් දැවැන්ත සුළං බල සහ බලශක්ති ගබඩා කිරීමේ ව්යාපෘතියක් සඳහා ඇමරිකානු ඩොලර් බිලියන 1.2ක ආයෝජනයක් සිදු කිරීමට එකඟ වී තිබේ. “මීර්නි” (Mirny) යන සංකේත නාමයෙන් හඳුන්වන මෙම ව්යාපෘතිය මඟින් ගිගාවොට් එකක සුළං බල ධාරිතාවක් සහ මෙගාවොට් පැය 600ක බැටරි බලශක්ති ගබඩා පද්ධතියක් ස්ථාපිත කිරීමට නියමිතය.
මෙම ව්යාපෘතිය සඳහා අවශ්ය ප්රතිපාදනවලින් සියයට 75ක් පමණ බාහිර මූල්ය මූලාශ්ර හරහා සපයා ගැනීමට සැලසුම් කර ඇති බව සමාගම අද (24) ප්රකාශ කළේය. 2029 වසර වන විට මෙම ව්යාපෘතියේ කටයුතු සම්පූර්ණයෙන්ම අවසන් කර බලශක්ති උත්පාදනය ආරම්භ කිරීමට ටෝටල් එනර්ජීස් සමාගම අපේක්ෂා කරයි. මධ්යම ආසියානු කලාපය තුළ පුනර්ජනනීය බලශක්ති ප්රභවයන් ප්රචලිත කිරීම සහ කාබන් විමෝචනය අවම කිරීමේ ගෝලීය ඉලක්ක සපුරා ගැනීම සඳහා මෙම ආයෝජනය වැදගත් පියවරක් වනු ඇත.
