ශ්රී ලංකාවේ විශ්වාසනීයම ගමනාගමන සහ ප්රවාහන විසඳුම් සම්පාදකයා වන **ටොයොටා ලංකා** සමාගම, සිය ශාඛා ජාලය පුළුල් කරමින් ටොයොටා නිෂ්පාදන සහ සේවාවන් ජනතාව වෙත තව තවත් සමීප කිරීමට කටයුතු කරයි.
ගම්පහ ප්රදේශයේ ස්ථාපිත කර තිබූ ටොයොටා ලංකා අමතර කොටස් ශාඛාව, නවීන යටිතල පහසුකම් සහ පාරිභෝගික පහසුකම් රැසක් සමඟින් මේ වන විට නව අදියරකට පා තබා ඇත. 2026 අගෝස්තු 06 වන දින නිල වශයෙන් විවෘත කරන ලද මෙම නවීකරණය කරන ලද ගම්පහ ශාඛාව හරහා, නවතම ටොයොටා රථවාහන මිලදී ගැනීම, ටොයොටා අමතර කොටස් සහ ‘Tyre Zone by Toyota Lanka’ යන සියලු සේවාවන් එකම වහලක් යටින් ලබා ගැනීමට පාරිභෝගිකයන්ට දැන් අවස්ථාව හිමි වේ.
මෙම උත්සව අවස්ථාව ටොයොටා ලංකා සමාගමේ සභාපති Mr. Masaaki Kawabata සහ කළමනාකාර අධ්යක්ෂ/ප්රධාන විධායක නිලධාරී මනෝහර අතුකෝරල යන මහත්වරුන්ගේ ප්රධානත්වයෙන් පැවැත්විණි. මෙහිදී අදහස් දැක්වූ කළමනාකාර අධ්යක්ෂවරයා සඳහන් කළේ, ටොයොටා හි අරමුණ හුදෙක් වාහන අලෙවියෙන් ඔබ්බට ගොස් පාරිභෝගිකයා සමඟ ජීවිත කාලය පුරා පවතින ශක්තිමත් බැඳීමක් ගොඩනඟා ගැනීම බවයි.
පාරිභෝගික විශ්වාසය සහ සේවා විශිෂ්ටත්වය වෙනුවෙන් ටොයොටා ලංකා දක්වන කැපවීම ජාතික මට්ටමින්ද ඇගයීමට ලක්ව තිබේ. ඒ අනුව LMD සඟරාව මඟින් 2025 වසරේ අංක 01 නිෂ්පාදන සන්නාමය සහ අංක 01 මෝටර් රථ සන්නාමය ලෙස ටොයොටා ලංකා සම්මානයට පාත්ර විය. මීට අමතරව, ලංකා සේවායෝජක සංගමය විසින් පවත්වන ලද EFC National Best Employer Awards 2025 හිදී, ශ්රී ලංකාවේ හොඳම සේවායෝජකයන් 10 දෙනා අතරට තේරී පත්වීමට ද සමාගම සමත් විය.
සිය ශාඛා ජාලය පුළුල් කිරීමට අමතරව, ‘Toyota Lanka Auto Academy’ හරහා ක්ෂේත්රයට අදාළ දැනුම සහ ප්රායෝගික පුහුණුව ලබා දෙමින් තරුණ තාක්ෂණික වෘත්තිකයන් බලගැන්වීමටද සමාගම කටයුතු කරයි. ‘Toyota LIFE’ දර්ශනය පෙරදැරිව කටයුතු කරන ටොයොටා ලංකා, 2026 මූල්ය වර්ෂය අවසන් වන විට සිය ශාඛා ජාලය පරිශ්ර 30ක් දක්වා පුළුල් කිරීමට සැලසුම් කර ඇත.
