ඇමරිකානු ජනාධිපති ඩොනල්ඩ් ට්රම්ප්ගේ පරිපාලනය ජාත්යන්තර අපරාධ අධිකරණය හෙවත් ICC වෙත නව සම්බාධක පැනවීමට සූදානම් වන බව Wall Street Journal වාර්තා කර තිබෙනවා. එම වාර්තාව නිලධාරීන් සහ ලබාගත් ලේඛන මත පදනම් වී ඇති බව සඳහන් වේ.
එම සැලසුම ක්රියාත්මක වුවහොත් මාස 6ත් 7ත් අතර සහන කාලයකින් පසුව ICC සමඟ සිදුකරන බොහෝ ගනුදෙනු සීමා කිරීමට හැකි බව වාර්තා වී තිබෙනවා. කෙසේ වෙතත්, Reuters පුවත් සේවය මෙම වාර්තාව ස්වාධීනව තහවුරු කර ගැනීමට එම අවස්ථාවේදී නොහැකි වූ බව සඳහන් කරයි.
ICC සම්බන්ධයෙන් ට්රම්ප් පරිපාලනය මීට පෙරද සම්බාධක සහ වෙනත් පීඩන ක්රියාමාර්ග ගෙන ඇති අතර, ජූලි මාසයේදී ICC හුදකලා කිරීමට තවත් ක්රියාමාර්ග සලකා බලමින් සිටින බව Reuters වාර්තා කළා.
