ඇමරිකානු ජනාධිපති ඩොනල්ඩ් ට්රම්ප් විසින් BBC ආයතනයට එරෙහිව පවරා ඇති ඩොලර් බිලියන 10ක අපහාස නඩුවට අදාළව, ඔහුගේ පවුලේ සමීප සාමාජිකයන්ගෙන් ලේඛන සහ සාක්ෂි ලබාගැනීමට BBC නීතිඥයන් උත්සාහ කරමින් සිටී.
අධිකරණ ලේඛනවලට අනුව, පසුගිය මැයි මාසයේදී ට්රම්ප්ගේ පුත් ඩොනල්ඩ් ට්රම්ප් ජූනියර්, දියණිය ඉවන්කා ට්රම්ප් සහ බෑනා ජැරඩ් කුෂ්නර් වෙත උපනීති නියෝග (subpoenas) ලබාදීමට උත්සාහ කර ඇත. ට්රම්ප්ගේ කතාව පැවැත්වීමේදී ඔහුගේ අරමුණු සහ එයින් ඇති වූ බලපෑම පිළිබඳව මෙම පවුලේ සාමාජිකයන්ට පෞද්ගලික දැනුමක් තිබිය හැකි බැවින්, එම සාක්ෂි නඩුවට අත්යවශ්ය වන බව BBCය තර්ක කරයි.
2024 වසරේ BBC ‘Panorama’ වැඩසටහනකදී 2021 ජනවාරි 6 වැනිදා කැපිටල් ගොඩනැගිල්ලට එල්ල වූ ප්රහාරයට පෙර ට්රම්ප් සිදුකළ කතාවක් වැරදි ලෙස සංස්කරණය කර විකාශය කිරීම මෙම නඩුවට මුල් වී තිබේ. අදාළ සංස්කරණය හේතුවෙන් තම කීර්තිනාමයට සහ ව්යාපාරික වටිනාකමට දැඩි හානියක් සිදුවූ බව පවසමින් ට්රම්ප් මෙම නඩුව පවරා ඇත.
කෙසේ වෙතත්, පවුලේ සාමාජිකයන්ට පුද්ගලිකව උපනීති නියෝග ලබාදීමට BBC කළ උත්සාහයන් සඳහා ඔවුන්ට ආරක්ෂාව සපයන එක්සත් ජනපද රහස් සේවයෙන් බාධා එල්ල වී ඇති බැවින්, වෙනත් ක්රමයක් හරහා එම උපනීති නියෝග ලබාදීමට අවසර ලබාදෙන ලෙස BBCය අධිකරණයෙන් ඉල්ලා තිබේ. නඩුව මේ වනවිටත් අධිකරණය හමුවේ විභාග වෙමින් පවතී.
