ඉරාන ඉස්ලාමීය ජනරජය සම්පූර්ණයෙන්ම ආර්ථික වශයෙන් හුදකලා කරමින් එහි පාලනාධිකාරිය බිඳහෙළීමේ අරමුණින් ඇමෙරිකානු ජනාධිපති ඩොනල්ඩ් ට්රම්ප් සහ භාණ්ඩාගාර ලේකම් ස්කොට් බෙසන්ට් විසින් ආරම්භ කරන ලද ‘Operation Economic Outcast’ දැඩි සම්බාධක මෙහෙයුම සාර්ථක වීමට ඇති ඉඩකඩ ඉතා අඩු බව The Economist සඟරාව පෙන්වා දෙයි.
දශක ගණනාවක් පුරා පනවා ඇති ජාත්යන්තර සම්බාධක හමුවේ වුවද තෙල් අලෙවි කිරීම සඳහා සෙවණැලි ජාල, තුන්වන පාර්ශවීය රටවල් සහ විකල්ප මූල්ය ක්රමවේද භාවිත කිරීමට ඉරානය අත්දැකීම් ලබා ඇති බව එම විග්රහයේ සඳහන් වේ. එමෙන්ම චීනය, රුසියාව සහ තුර්කිය වැනි ප්රධාන ආර්ථික බලවතුන් ඉරානය සමග පවත්වන වෙළඳ සබඳතා සම්පූර්ණයෙන්ම නතර කිරීමට ඇමෙරිකාවට පවතින රාජ්යතාන්ත්රික බාධා හමුවේ, මෙම සම්බාධක මගින් ඉරාන පාලන තන්ත්රය පෙරළා දැමීමට අභ්යන්තර වශයෙන් එහි බලය තවදුරටත් තහවුරු වීමට ඉඩ ඇති බව පාලන තන්ත්ර විශ්ලේෂකයෝ වැඩිදුරටත් පෙන්වා දෙති.
