ඉරානය විසින් යුද්ධය නිමා කිරීම සඳහා ඉදිරිපත් කරන ලද නවතම සාකච්ඡා යෝජනාවලිය අමෙරිකානු ජනාධිපති ඩොනල්ඩ් ට්රම්ප්ගේ විවේචනයට ලක්ව තිබේ. සාම ගිවිසුමක් කරා යාමට ඉරානය යම් පියවර ගෙන ඇති බව පෙනෙන්නට තිබුණද, එම ක්රියාවලිය සාර්ථක අවසානයක් දක්වා ගෙන යාමට ඔවුන්ට හැකි වේදැයි තමන්ට දැඩි සැකයක් පවතින බව ජනාධිපතිවරයා අවධාරණය කළේය.
සාම සාකච්ඡා සඳහා මැදිහත් වන පාකිස්ථානය සහ එහි නායකත්වය පිළිබඳව තමන් තුළ දැඩි ගෞරවයක් පවතින බව ප්රකාශ කළ ට්රම්ප්, කෙසේ වෙතත් ඉරානයේ කැපවීම පිළිබඳව සෑහීමකට පත් විය නොහැකි බව පවසා සිටියි. මෙම ප්රකාශයත් සමඟ කලාපීය යුදමය තත්ත්වය සමනය කිරීමට ගෙන යන රාජ්යතාන්ත්රික ප්රයත්නයන් යළිත් අවිනිශ්චිත තත්ත්වයකට පත්ව ඇති බව විදෙස් වාර්තා පෙන්වා දෙයි.
