ඇමරිකානු ජනාධිපති ඩොනල්ඩ් ට්රම්ප්ගේ පරිපාලනය විසින් එරට ජාතික විද්යා පදනමට (National Science Foundation) උපදෙස් ලබා දෙන ‘ජාතික විද්යා මණ්ඩලයේ’ (National Science Board) සියලුම සාමාජිකයින් වහාම ක්රියාත්මක වන පරිදි ධුරවලින් ඉවත් කර තිබේ. සාමාජිකයින් 22 කුගෙන් සමන්විත මෙම ස්වාධීන මණ්ඩලය විසුරුවා හැරීම පිළිබඳව එම මණ්ඩලයේ හිටපු සාමාජිකයින් වන යෝලන්ඩා ගිල් සහ කෙයිවන් ස්ටැසන් විසින් මාධ්ය වෙත තහවුරු කර ඇත.
1950 වසරේදී ස්ථාපිත කරන ලද මෙම මණ්ඩලය, විද්යා හා ඉංජිනේරු ප්රතිපත්ති පිළිබඳව ජනාධිපතිවරයාට සහ කොංග්රස් මණ්ඩලයට උපදෙස් ලබා දෙන ප්රධානතම ස්වාධීන ආයතනයයි. සාමාන්යයෙන් වසර හයක නිල කාලයක් සඳහා පත් කරනු ලබන මෙම මණ්ඩලයේ බහුතරයක් විශ්වවිද්යාල මහාචාර්යවරුන් සහ විද්යාඥයන් වූහ. පසුගිය සිකුරාදා ලැබුණු විද්යුත් ලිපියක් මගින් සියලුම සාමාජිකයින්ට දැනුම් දී ඇත්තේ කිසිදු හේතු දැක්වීමකින් තොරව ඔවුන්ගේ සේවය අවසන් කර ඇති බවයි.
දේශපාලන විචාරකයින් පෙන්වා දෙන්නේ ට්රම්ප් පරිපාලනය විසින් ස්වාධීන රාජ්ය ආයතනවල පවතින විවේචනාත්මක හඬවල් ඉවත් කර, ඒ වෙනුවට තමන්ට පක්ෂපාතී පුද්ගලයින් පත් කිරීමට ගන්නා උත්සාහයක කොටසක් ලෙස මෙය ක්රියාත්මක වන බවයි. ධවල මන්දිර නිලධාරියෙකු ප්රකාශ කළේ කොංග්රසය මගින් මෙම මණ්ඩලයට ලබා දී ඇති බලතල වර්තමානයට ගැළපෙන පරිදි යාවත්කාලීන කිරීමේ අවශ්යතාවයක් පවතින බවයි. කෙසේ වෙතත්, මෙම පියවර හරහා ඇමරිකාවේ විද්යාත්මක පර්යේෂණ ක්ෂේත්රයේ ස්වාධීනත්වයට දැඩි බලපෑමක් එල්ල වනු ඇතැයි විද්වතුන් කනස්සල්ල පළ කරති.
