ඇමෙරිකානු ජනාධිපති ඩොනල්ඩ් ට්රම්ප් බදාදා දින විශේෂ ප්රකාශයක් කරමින් සඳහන් කළේ වසර 34ක දීර්ඝ කාලයකට පසු පළමු වරට ඊශ්රායල සහ ලෙබනන නායකයන් අතර සෘජු දුරකථන සංවාදයක් බ්රහස්පතින්දා දිනයේදී පැවැත්වීමට නියමිත බවයි. දෙරටේ නියෝජිතයන් වොෂින්ටන් නුවරදී පැවැත්වූ සෘජු සාකච්ඡාවලින් අනතුරුව මෙම තීරණයට එළඹ ඇති අතර ඊශ්රායලය සහ ලෙබනනය අතර පවතින උණුසුම්කාරී තත්ත්වයට මඳ සහනයක් ලබා දීමට උත්සාහ කරන බව ට්රම්ප් සිය ‘Truth Social’ ගිණුමේ සටහන් කර තිබුණි. පෙබරවාරි 28 වනදා ඉරාන උත්තරීතර නායක අයතුල්ලා අලි කමෙන්නි ඝාතනය කිරීමට ප්රතිචාර ලෙස මාර්තු 02 වනදා සිට හිස්බුල්ලා සංවිධානය ප්රහාර එල්ල කිරීමත් සමඟ ලෙබනනය මෙම යුද්ධයට මැදි වූ අතර මේ දක්වා ඊශ්රායල ප්රහාරවලින් ලෙබනනයේ පුද්ගලයන් 2,000කට අධික පිරිසක් මියගොස් මිලියනයකට අධික පිරිසක් අවතැන් වී ඇත. පකිස්ථානයේ මැදිහත් වීමෙන් ඉරානය සමඟ පවතින සාකච්ඡා ද සාර්ථක වනු ඇතැයි බලාපොරොත්තු පළ වී ඇති මොහොතක මෙම සෘජු නායකත්ව හමුව කලාපීය සාමයට තීරණාත්මක බලපෑමක් කරනු ඇතැයි අපේක්ෂා කෙරේ.
