ඉරානය විසින් එල්ල කරන ලද බැලිස්ටික් මිසයිල ප්රහාරයෙන් පසු ඊට ප්රතිප්රහාර එල්ල කිරීමේදී, ඊශ්රායලයේ මිලිටරිමය පියවරයන් සීමා කරන ලෙස ඇමරිකානු ජනාධිපති ඩොනල්ඩ් ට්රම්ප් සහ ඔහුගේ පරිපාලනය තමන් වෙත දැඩි දේශපාලන බලපෑම් එල්ල කළ බව ඊශ්රායල අග්රාමාත්ය බෙන්ජමින් නෙදන්යාහු ප්රථම වතාවට නිල වශයෙන් හෙළි කර තිබේ. ජාත්යන්තර ප්රකට පුවත් සේවාවක් වන ‘වයිනෙට්’ හි විශේෂ වාර්තාකරු සැමුවෙල් උපුටා දක්වමින් විදේශීය ආරක්ෂක අංශ වාර්තා කරන්නේ, ඊශ්රායල කැබිනට් අමාත්යවරුන් හමුවේ අග්රාමාත්ය නෙදන්යාහු ධවල මන්දිරයේ මෙම රහසිගත බලපෑම් පිළිබඳව අතිශය ආවේගශීලී ප්රකාශයක් සිදුකර ඇති බවයි.
විදේශීය මාධ්ය වාර්තාවලට අනුව, ඉරාන මිසයිල ප්රහාරයෙන් පසු දුරකථන ඇමතුමක් ලබාදී ඇති ඇමරිකානු ජනාධිපති ඩොනල්ඩ් ට්රම්ප්, මෙම ප්රහාරය හේතුවෙන් කිසියම් හෝ ඊශ්රායල ජාතිකයෙකු ජීවිතක්ෂයට පත්ව තිබේද යන්න පිළිබඳව නෙදන්යාහුගෙන් විශේෂයෙන් ප්රශ්න කර ඇත. එහිදී ඊශ්රායල වැසියන් මියගොස් නොමැති නම් ඉරානයට එරෙහිව දරුණු ප්රහාර දියත් නොකරන ලෙස ට්රම්ප් පාලනය බලපෑම් කර ඇති අතර, ඊට සෘජුවම පිළිතුරු දෙමින් නෙදන්යාහු සිය අමාත්යවරුන් හමුවේ අවධාරණය කර ඇත්තේ, මිනිසුන් මියගියහොත් පමණක් අප ප්රතිප්රහාර එල්ල කළ යුතුය යන ඇමරිකානු සමීකරණය පිළිගැනීමට තමන් කිසිසේත්ම සූදානම් නොමැති බවයි.
තම ස්වෛරී භූමියට ඉරානය ප්රහාර එල්ල කරන්නේ නම් ඊට එරෙහිව උපරිම ශක්තියෙන් පෙරළා ප්රහාර එල්ල කරන බව ප්රකාශ කර ඇති නෙදන්යාහු, “අපි ඇමරිකානුවන්ට යටත් වැසියන් නෙවෙයි, අපි ඔවුන්ගේ සම අයිතිවාසිකම් ඇති සහයෝගිතා මිත්රයෝ විතරයි” යනුවෙන් පවසමින් වොෂින්ටනයේ අණදීම්වලට තවදුරටත් අවනත නොවන බවට ධවල මන්දිරය වෙත සෘජු හා දැඩි දේශපාලන පණිවිඩයක් නිකුත් කර තිබේ.
